Keden odaǵy elderimen ózara saýda 23,5 paıyzǵa ósip, 4 mlrd. AQSh dollaryn qurady

ASTANA. 23 sáýir. QazAqparat - Keden odaǵy elderimen ózara saýda 23,5 paıyzǵa ósip, 4 mlrd. AQSh dollaryn qurady.

Bul týraly búgin 2013 jyldyń birinshi toqsanyndaǵy áleýmettik-ekonomıkalyq damý qorytyndylaryna arnalǵan QR Úkimetiniń otyrysynda Ekonomıka jáne bıýdjettik josparlaý mınıstri Erbolat Dosaev málim etti.

«Keden odaǵy elderimen ózara saýda eki aıdyń ishinde ótken jyldyń tıisti kezeńimen salystyrǵanda 23,5 paıyzǵa ósip, 4 mlrd. AQSh dollaryn qurady», - dedi ol.

Mınıstrdiń atap ótýinshe, eksport 7,7 paıyzǵa artqan. Onyń ishinde Reseıge 7,4, al Belarýsqa 37,2 paıyzǵa ósken. «Import 30,5 paıyzǵa ósti. Bul rette Belarýstan ımport 16,8 paıyzǵa qysqardy», - dedi E. Dosaev.