Keden odaǵy aýmaǵynda alyp júrýge bolatyn taýarlar kólemi ulǵaıdy
Máskeýde Eýrazııalyq ekonomıkalyq komıssııa Keńesiniń kezekti otyrysy ótti. Qazaqstandyq delegatsııany Premer-Mınıstrdiń orynbasary - Saýda jáne ıntegratsııa mınıstri Baqyt Sultanov basqardy.
EEK Keńesi 50-ge jýyq máseleni qarady.
Keńes músheleri Qazaqstannyń EEK alqasy jumysynyń ashyqtyǵyn qamtamasyz etý qajettiligi týraly bastamasyn qoldady.
Osylaısha, qatysýshy elderdiń ýákiletti organdary úshin alqa otyrysyn translıatsııalaý týraly sheshim maquldandy.
Bul Eýrazııalyq ekonomıkalyq odaqqa múshe memleketterdiń ekonomıkalyq múddesin qozǵaıtyn máseleler boıynsha sheshim qabyldaý protsesteriniń ashyqtyǵyn qamtamasyz etýge múmkindik beredi.
Birinshi qajettiliktegi taýarlardyń tapshylyǵyn boldyrmaý jáne EAEO-ǵa múshe memleketterde áleýmettik shıeleniske jol bermeý maqsatynda Keńes músheleri jeke tulǵalardyń jeke paıdalanýǵa arnalǵan taýarlardy ákelý normasyn ulǵaıtý týraly sheshim qabyldady.
2022 jylǵy 1 qazanǵa deıin jeke tulǵalar áýe kóliginen basqa kez kelgen jolmen 1000 eýroǵa deıingi nemese salmaǵy 31 kılogramǵa deıingi taýarlardy tasymaldaı alady.
Avıakólikpen ákelý normasy aǵymdaǵy deńgeıde qalady: 10 000 eýroǵa nemese 50 kılogramǵa deıin.
Taraptar sondaı-aq Keden odaǵynyń «Parfıýmerlik-kosmetıkalyq ónimniń qaýipsizdigi týraly» tehnıkalyq reglamentine ózgerister qabyldaýdy maquldady.
Atap aıtqanda, ózgerister parfıýmerlik-kosmetıkalyq ónimderde qoldanýǵa tyıym salynǵan jáne ruqsat etilgen zattardy EO Reglamentimen úılestirýdi kózdeıdi.
Máselen, EAEO-daǵy parfıýmerlik-kosmetıkalyq ónimderde paıdalanýǵa tyıym salynǵan zattardyń tizbesi 296 pozıtsııamen tolyqtyryldy, onyń altaýy buryn ruqsat etilgender tizimine engen.
Ruqsat etilgen zattardyń tizimi 12 pozıtsııamen tolyqtyryldy.
Bul EAEO aýmaǵynda halyqtyń densaýlyǵy úshin yqtımal qaýipti ónimdi paıdalaný múmkindigin boldyrmaýǵa múmkindik beredi.
EEK Keńesiniń músheleri EAEO týraly shartta kórsetilgen negizder boıynsha memleketterdiń taýarlarmen ózara saýdadaǵy shekteýlerdi engizýi jáne alyp tastaýy kezinde EAEO-ǵa múshe memleketter men Eýrazııalyq ekonomıkalyq komıssııanyń ózara is-qımyl jasaý tártibin maquldady.
Jańa tártipke sáıkes, taraptar shekteýler kúshine engenge deıin 10 kúnnen keshiktirmeı ákelinetin shekteýler týraly bir-birin jáne Eýrazııalyq ekonomıkalyq komıssııany habardar etýge mindettendi.
Sondaı-aq konsýltatsııa ótkizý, onyń ishinde barlyq nemese jekelegen múshe memleketterdiń shekteý sharalaryn iske asyrýynyń oryndylyǵyn talqylaý múmkindigi kózdelgen.
«Ózara is-qımyldyń biryńǵaı tártibi múshe memleketterdiń ashyq, boljamdy is-qımyldary, olardy engizýdiń qajettiligi men merzimderiniń negizdemeleri esebinen engiziletin shekteýlerdiń teris saldaryn barynsha azaıtýǵa múmkindik beredi. Eń bastysy, odaqqa qatysýshy elder de, olardyń elderiniń bıznesi de kórshilerdiń engizgen shekteýleri týraly bilmeı, olardy tek eksport kezinde ǵana shekarada kezdestiretin jaǵdaılardy boldyrmaýǵa múmkindik beredi», - dep atap ótti Baqyt Sultanov.
Keńes músheleri EAEO tehreglamentterin ázirleý, qabyldaý, ózgertý jáne kúshin joıý tártibine engizilgen ózgeristerdi de maquldady.
Jańartylǵan tártip tehreglamentterdi ázirleý rásimderiniń merzimin qysqartýdy jáne olardy ońtaılandyrýdy, ulttyq kelisý rásimderin retteýshilik áserdi taldaýmen úndestirýdi kózdeıdi.
Qazaqstandyq taraptyń usynysy boıynsha jumys toptary qyzmetiniń rettelýi men tıimdiligi úshin jumys toptary boıynsha úlgilik ereje engiziledi.
Rásimderdi jetildirýdi qamtamasyz etetin uqsas ózgerister halyqaralyq jáne óńirlik (memleketaralyq) standarttardyń tizbelerin ázirleý jáne qabyldaý tártibiniń jańa redaktsııasyna engizildi.
2022 jylǵy 31 jeltoqsanǵa deıin ornyqtylyqty baqylaýdyń elektrondyq júıelerimen jaraqtandyrý bóliginde KO TR 018/2011 «Dóńgelekti quraldardyń qaýipsizdigi týraly» Keden odaǵynyń qoldanystaǵy reglamentiniń talaptaryn ýaqytsha toqtata turý týraly sheshim qabyldandy.
Bul jekelegen múshe elderdiń avtomobıl óndirýshileriniń osyndaı júıelerdi jetkizýdegi qıyndyqtaryna baılanysty, bul avtomobıl ónerkásibi kásiporyndaryna qaýip tóndiredi.
Keńes barysynda EAEO-ǵa múshe elderdiń úkimetteri basshylarynyń orynbasarlary EEK Alqasy músheleriniń 2021 jyly EAEO-nyń halyqaralyq qyzmetiniń negizgi baǵyttaryn iske asyrý týraly, sondaı-aq Eýrazııalyq ekonomıkalyq odaqtyń tsıfrlyq kún tártibi sheńberindegi jobalardy iske asyrý týraly, sondaı-aq Eýrazııalyq ekonomıkalyq odaqtyń ishki naryǵyndaǵy kedergilerdi joıý jónindegi 2021 jylǵy jumys nátıjeleri týraly baıandamalaryn jáne taǵy basqalaryn qarady.
EEK Keńesiniń otyrysy barysynda qatysýshylar mamyr aıynyń sońyna josparlanǵan Joǵary Eýrazııalyq ekonomıkalyq keńes otyrysynyń kún tártibin kelisti.
Eýrazııalyq ekonomıkalyq komıssııa Keńesiniń kelesi otyrysy aǵymdaǵy jylǵy mamyrdyń ekinshi onkúndiginde ótedi.