Keden qyzmetkerlerin attestatsııalaý úsh kezeń boıynsha ótedi
Amanııaz Erjanov málim etti.
QR Prezıdenti janyndaǵy Joǵary attestatsııalaý komıssııasy birinshi kezekte Kedendik baqylaý tóraǵasynyń orynbasarlaryn, aýmaqtyq keden organdarynyń basshylary men olardyń orynbasarlaryn synaqtan ótkizetin bolady. Osydan keıin Qarjy mınıstrligi Kedendik baqylaý komıtetiniń Ortalyq attestatsııalaý komıssııasy komıtetke qarasty Kontrabandaǵa qarsy kúres jáne ishki qaýipsizdik basqarmalary, sondaı-aq jedel kezekshilik qyzmet bóliminiń qyzmetkerleriniń biliktilik deńgeıin baıqap kórmek. Al eń sońynda quqyq qorǵaý máselesine jaýapty keden organdarynyń aımaqtyq bólimshelerin attestatsııadan ótedi. Olardyń daıyndyǵyn Aýmaqtyq attestatsııalaý komıssııasy tekseredi. «Attestatsııa barysynda keden qyzmetkerleriniń Qazaqstan zańdaryn bilýi men logıkalyq oılaý qabileti tekseriledi. Sondaı-aq olar deneshynyqtyrý, áskerı jáne qyzmettik daıyndyq boıynsha tıisti normatıvterdi tapsyratyn bolady. Al betpe-bet áńgimelesý kezinde mamandardyń psıhologııalyq ustamdylyǵy synalady», - deıdi A.Erjanov.