Keden baqylaýy barysynda qandaı krıterııler eskeriledi - Memlekettik kirister komıteti
Komıtet resýrstardy tıimdi paıdalanýdy qamtamasyz etý úshin táýekelderdi basqarý júıesin qurý kezinde biz táýekeldiń joǵary deńgeıi bar salalarǵa nazar aýdarǵan.
«Biz barlyq júkterge jappaı baqylaý júrgizbeımiz, mysaly, 2020 jyldyń 8 aı ishinde taýarlar ımporty kezinde taýarlarǵa arnalǵan deklaratsııalardyń 39%-y kedendik baqylaýmen qamtylǵan, onyń ishinde tek 10%-y tekserip qaraýǵa, saraptamaǵa keledi, taýarlarǵa arnalǵan deklaratsııalardyń 61%-y júıemen avtomatty túrde shyǵarylǵan», delingen habarlamada.
Vedomstvo kedendik baqylaý nysandaryn saralap qoldaný maqsatynda sýbekt-baǵdarlanǵan tásildi qoldanatynyn jetkizdi. Atap aıtqanda, syrtqy ekonomıkalyq qyzmet (SEQ) qatysýshylaryn olardyń fıskaldyq kórsetkishterine súıene otyryp, táýekel deńgeıiniń tómen, orta jáne joǵary sanattarǵa bóledi.
«Bizge bul ne beredi? Avtomattandyrylǵan esepteý arqyly biz senimdi kompanııalardy anyqtaımyz, olarǵa qatysty baqylaýdy olar «joǵalyp ketedi» dep qoryqpaı, taýardy shyǵarǵannan keıin júrgizemiz. Ádette, bul jaqsy kedendik jáne salyqtyq bedeli bar iri jáne turaqty kompanııalar, olar bir jyldan astam ýaqyt jumys istep keledi jáne naryqta ózderin dáleldedi, tólemder men salyqtardy tóleý boıynsha bereshegi joq, ákimshilik jáne qylmystyq jaýapkershilikke tartý faktileri joq jáne t.b», delingen habarlamada.
Biz táýekel deńgeıiniń tómen sanatyna jatatyndar: «Qazaqstan Respýblıkasyndaǵy kedendik retteý týraly» kodeksiniń 80-babynyń 7-tarmaǵyna sáıkes dıplomatııalyq ókildikterdi (elshilikter, konsýldyqtar); ýákiletti ekonomıkalyq operatorlardy (budan ári – ÝEO) – «Qazaqstan Respýblıkasyndaǵy kedendik retteý týraly» kodeksiniń 529-babynyń 3-tarmaǵyna sáıkes ÝEO mártebesi bar zańdy tulǵalar».
ÝEO tizilimi QR QM Memlekettik kirister komıtetiniń resmı saıtynda ornalastyrylǵan;
- syrtqy ekonomıkalyq qyzmetti eki jyldan astam júzege asyratyn iri salyq tóleýshilerdi – QR Úkimeti bekitken Qazaqstannyń salyq zańnamasyna sáıkes monıtorıngke jatatyn iri salyq tóleýshilerdiń tizbesine engizilgen zańdy tulǵalar. Osy tizbe Qazaqstan Respýblıkasy normatıvtik quqyqtyq aktileriniń aqparattyq-quqyqtyq júıesinde jarııalanǵan;
- otandyq taýar óndirýshilerdi – Keden odaǵynyń jáne (nemese) Qazaqstan Respýblıkasynyń keden zańnamasyna sáıkes jetkilikti qaıta óńdeý ólshemderine sáıkes Qazaqstan Respýblıkasynda taýarlar óndirýdi nemese Qazaqstan Respýblıkasynda taýarlardy jetkilikti qaıta óńdeýdi júzege asyratyn zańdy tulǵalar. Bul aqparatty QR Ulttyq ekonomıka mınıstrliginiń Statıstıka komıtetinen alýǵa bolady. Statıstıka komıtetiniń aqparaty boıynsha osyǵan uqsas aqparat stat.gov.kz saıynda bar;
- ınvestorlardy – jobalary iske asyrylǵan ne iske asyrylý satysynda turǵan arnaıy ekonomıkalyq aımaqtarǵa qatysýshylardy, ınvestıtsııalyq kelisimsharttar jasasqan ınvestorlardy, jobalary Indýstrııalandyrý kartasyna engizilgen ınvestorlardy, sondaı-aq jobalary úkimetaralyq kelisimdermen retteletin ınvestorlar jatqyzylady.
«Táýekeldiń joǵary deńgeıine jatqyzylǵan SEQ qatysýshylary kedendik baqylaýǵa neǵurlym beıim, olarǵa biz sońǵy 12 aıda salyqtar jáne bıýdjetke tólenetin basqa da tólemder boıynsha bereshegi, ákimshilik ne qylmystyq buzýshylyqtary bar kompanııalardy, sondaı-aq syrtqy ekonomıkalyq qyzmetti 1 jyldan az júzege asyratyn kompanııalardy jatqyzamyz», delingen habarlamada.
Komıtet, SEQ qatysýshylaryna kedendik baqylaý sharalaryn barynsha azaıtý úshin ashyq bolýǵa jáne óz mindettemelerin adal oryndaýǵa shaqyrdy.