QDB «Nurly jol» baǵdarlamasy aıasynda 22 jobany qarjylandyrdy

ASTANA. QazAqparat - Qazaqstannyń Damý banki jelisi boıynsha óńdeý ónerkásibin memlekettik qoldaý aıasynda Ulttyq qordan ekonomıkany qoldaýǵa bólingen birinshi jáne ekinshi transh turǵysynda 17,8 mlrd. teńgege 22 jobaǵa qarjy bóldi. Bul týraly búgin Ortalyq kommýnıkatsııalar qyzmetindegi baspasóz máslıhatynda «QDB» AQ Basqarma tóraǵasy Bolat Jámishev málimdedi.

«Qazaqstannyń damý banki - iri ınvestıtsııalyq jobalardy qoldaýǵa qatysty ekonomıkany memlekettik qoldaý sharalarynda negizgi operator. Osy maqsattarǵa «Nurly jol» baǵdarlamasyna qatysý úshin Ulttyq qordan QDB-ǵa 170 mlrd. teńge bólindi. Bul qarjynyń 100 mlrd. teńgesi kommertsııalyq bankter arqyly óńdeý ónerkásibindegi jobalardy nesıeleýge qarastyrylǵan. Al qalǵan 70 mlrd. teńge avtokólik, tikushaq, jolaýshylar vagondary, sondaı-aq qazaqstandyq taýarlardyń eksportyn yntalandyrý sekildi naqty sharalarǵa kózdelgen», - dedi B. Jámishev.

«100 mlrd. teńgege toqtalatyn bolsaq, árqaısysy 50 mlrd. teńgelik qos transh ıgerilip jatyr. Ótken jyldyń birinshi transhyna aıqyndalǵan jobalar óńdeýshi ónerkásiptiń 23 salasynda júzege asyrylýda. Bunda taǵam, kıim-keshek, qaǵaz buıymdary, munaı óńdeý ónimderi, farmatsevtıka jáne basqa da salalar qamtylǵan»,-dedi ol.

Onyń ishinde birinshi transh boıynsha óńdeý salasyndaǵy 22 joba maquldandy. Sonymen birge búginde 14 mlrd. 139 mln. teńge kóleminde qarjylandyrý 16 joba boıynsha bastaldy. Al ekinshi transh turǵysynda 15 joba maquldanyp, onyń ishinde 6 joba aıasynda 3 mlrd. 593 mln. teńge kóleminde qarjylandyrý bastaý aldy.

«ıAǵnı, ekinshi deńgeıli banktermen 22 joba maquldanyp, qarjylandyrý júrip jatyr. Atap aıtqanda, ekinshi transhtyń jarty somasy jańa jobalarǵa qarastyrylǵan»,-dedi ol.