QDB kredıttik portfeliniń 85 paıyzy stress-testileýden joǵary senimdilik tanytty

ASTANA. QazAqparat - Qazaqstan Damý Banki kredıttik portfeliniń 85 paıyzy stress-testileýden joǵary senimdilikti kórsetti. Bul týraly búgin Ortalyq kommýnıkatsııalar qyzmetinde ótken brıfıngte «Qazaqstan Damý Banki» AQ Basqarma Tóraǵasy Bolat Jámishev málim etti.

«Kredıttik portfelimizdiń 41 paıyzy - alańdamaýǵa da bolatyn jobalardyń úlesinde. Bular teńge salymyndaǵy nemese eksporttyq kredıtter bolyp tabylady, ıaǵnı olarǵa esh kúmán bolmaıdy nemese bul portfelde kúshti qurylym qamtamasyz etildi degen sóz. Túıindeı aıtsaq, jalpy portfeldiń osy 41 paıyzy úshin qandaı da bir valıýtalyq baǵam ózgeristerine, basqa da táýekelderge qatysty biz esh alańdamaımyz», - dedi Bolat Jámishev.

Onyń aıtýynsha, banktiń kredıttik portfeliniń 44 paıyzy teńge baǵamyndaǵy qubylmalylyqty «sezinýge» beıim. Áıtse de, tóraǵa ondaı jobalarǵa úshinshi tulǵalardyń senimdi kepilgerligi bar ekenin nemese aktsıonerler tarapynan qoldaý kórip otyrǵanyn alǵa tartady. Degenmen, barlyq jobalar boıynsha monıtorıng júrgizilip, banktiń pozıtsııasyn kúsheıtý josparlanady. Táýekelderdi tómendetý jumystary da qosa atqarylady.

«Bank qarjylandyratyn 9 joba nemese kredıttik portfeldiń 15 paıyzy valıýtalyq baǵam ózgerisine sezimtal. Olar úshin stress-testileýge engizilgen táýekelder tym aýyr boldy. ıAǵnı, valıýtalyq túsim bolmasa olarda problema týyndaýy da múmkin. Osy jobalarǵa qatysty zaemdardy qaıta qurylymdaý josparlanady. Bul rette qarjylandyrý kózderi aıqyndaldy. Olar Biryńǵaı zeınetaqy qorynan 60 mıllıard teńge alatyn bolady», - dedi B. Jámishev.