Kcell jyl sońyna deıin Qazaqtelekom quramynan shyǵarylady

ASTANA. QazAqparat – Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın jyl sońyna deıin Kcell «Qazaqtelekom» Aktsıonerlik qoǵamy quramynan shyǵarylatynyn aıtty, dep habarlaıdy QazAqparat tilshisi.

«Kcell-di shyǵarý boıynsha dedlaın qandaı? Bir jaǵynan 5G bolmaǵan kezde ony eshkim satyp almady, tıimsiz edi. Qazir baǵasy arta túsedi», - dep surady BAQ ókili mınıstrden.

«Men «Samuryq-Qazyna» AQ-nyń aldyna qandaı merzim qoısam da, qyzyǵýshylyq tanytqan oıynshynyń baǵa men satyp alynatyn aktıvtiń sáıkestigin tekserý rásiminsiz «Samuryq-Qazyna» due diligence boıynsha jumys júrgizbeıdi. Biz Úkimettiń atynan jyl sońyna deıin operatorlardyń birin «Qazaqtelekomnyń» quramynan shyǵarý týraly mindet qoıdyq. «Samuryq-Qazyna»-nyń aqparaty boıynsha, qazir eki qyzyǵýshylyq tanytqan oıynshy due diligence rásiminen ótip jatyr. Qazir biz olardyń kim ekenin aıta almaımyz», - dedi Baǵdat Mýsın búgin Úkimet otyrysynan keıin tilshilerge bergen suhbatynda.

Buǵan deıin mınıstr Kcell-diń ınternet sapasyna qatysty pikir bildirgen edi.