Kcell joǵary sapany saqtaı otyryp, 5G jobasyn qalaı jedel iske qospaq

<p>Elimizdiń 3 iri qalasyn 5G ınternetpen qamtý máselesi kúrdelenip otyr. Atap aıtqanda, Almaty, Aqtaý jáne Aqtóbe shaharlarynda turatyn radıofobtar úıiniń tóbesine elimizdiń iri mobıldi operatory Kcell-diń 18 bazalyq stantsııasyn ornatýǵa qarsy shyqqan. Biraq osyndaı qıyndyqtarǵa qaramastan Kcell bazalyq stantsııalardy josparǵa saı, tipti keıbir óńir boıynsha mejeni asyra oryndap jatyr. Naqty toqtalsaq, qazirgi tańda atalǵan operator jobalanǵan 400 stantsııanyń 360-qa jýyǵyn ornatyp úlgergen. Tıisinshe 15 qalada turatyn 360 myńnan astam abonent besinshi býyn baılanysynyń ıgiligin kórip otyr. Elordada ótip jatqan Digital Bridge forýmy aıasynda &laquo;5G: tsıfrlyq transformatsııa draıveri&raquo; paneldik sessııasyna qatysqan Kcell basshysy Ashat Ózbekov osylaı málim etti, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Byltyr jeltoqsan aıynda baılanys operatorlary arasynda ótken radıojıilikterdi bólý aýktsıonynda Kcell kompanııasy jeńimpaz atandy.

Talapqa saı, ol 2027 jylǵa deıin el boıynsha 7 myńnan astam bazalyq stantsııa ornatýǵa mindetteldi.

Alaıda, kúni keshe «Digital Bridge» forýmynda Memleket basshysy Qasym-Jomart Toqaev bul jumystardy jedeldetip, jospardy eki jyl erte, ıaǵnı 2025 jyly támamdaýdy júktedi.

Foto: Vıktor Fedıýnın/Kazinform

«Shyn máninde, biz 5G bazalyq stantsııalaryn salý boıynsha kesteden ozyp kele jatyrmyz jáne birqatar faktorlar bolmasa, qarqyndy jyldamdata alar edik. Búginde kóptegen óńirlerde radıofobııa problemasyna tap bolýdamyz. Sonyń saldarynan bazalyq stantsııalardy ornatýdan bas tartýǵa nemese olardy bólshekteýge týra kelýde jáne osyndaı keısterdiń sany 20-ǵa jýyq. Búgingi kúni baılanys operatorlarynyń aldynda turǵan taǵy bir syn-qater - ınfraqurylym qurylysyna arnalǵan oryndardyń, bazalyq stantsııalar úshin tirekterdiń bolmaýy», - dedi Kcell AQ basqarma tóraǵasy Ashat Ózbekov paneldik sessııasynda.

Sonymen qatar, Ashat Ózbekov 5G ınfraqurylymyn qalyptastyrýdy jol qurylysymen salystyrdy.

«5G qurylysy eki jolaqty Ál-Farabı dańǵylyna uqsaıtynyn aıtqym keledi. ıAǵnı, durys qoldanǵan jaǵdaıda bul - keptelisti, jalpy júktemeni azaıtady. Kórip otyrǵanymyzdaı, qazirgi ýaqytta 5G-diń múmkindigi keń, sıgnal jaman emes», - dep atap ótti Ashat Ózbekov.

Bir bazalyq stantsııany ornatýǵa 6 aıdan 9 aıǵa deıin ýaqyt ketedi. 9 qabatty úıdiń qurylysyna qajet bolatyndaı qujattar rásimdeý protsesi taǵy bar.

Kcell basshysynyń aıtýynsha, bul bıýrokratııalyq talaptarǵa baılanysty bolyp otyr. Jumys qarqynyn jedeldetý úshin operator habarlama tártibimen jumys isteýdi usynady.

Buǵan qosa, radıofobtar máselesi de ózekti. Bir adamnyń qarsylyǵy birden 100 nemese odan kóp turǵynnyń 5G ıgiligin kórý múmkingin shektep otyr.

«Barlyǵymyzdyń problemamyz birdeı, ıaǵnı áriptesterimizben birge osy máselege tap bolyp otyrmyz. Salynǵan 18 5G bazalyq stantsııasynyń 300-ge jýyǵy qaıta jınap alyndy. Eger qalanyń belgili bir bóliginde shartty túrde 6 bazalyq stantsııa jumys isteıtin bolsa, onda olardyń bireýin alyp tastaǵannan keıin búkil aýdan boıynsha baılanystyń degradatsııasy bolatyny belgili. ıAǵnı, osy alty stantsııa radıýsyndaǵy barlyq abonentter zardap shegedi. Biraq barlyq 5G bazalyq stantsııalary 4G-men birge, ıaǵnı eki jıilikte birden eki qabatta júretinin atap ótkim keledi. Tıisinshe, olardyń árqaısysyna úlken júkteme túsedi jáne olardyń árbireýin alyp tastaý qazir teris saldarǵa alyp keledi», - dedi Ashat Ózbekov.

Foto: Vıktor Fedıýnın/Kazinform

GSMA ókili Djek Raýlı kóptegen elderde 5G jáne kez kelgen basqa jańa tehnologııalar tóńireginde jalǵan málimdemelerge negizdelgen aqparattyq vakýým paıda bolǵanyn atap ótti.

«Qazaqstan Prezıdenti barlyq mınıstrlikter birlesip jumys isteýi tıis ekenin atap ótti. Olar halyqaralyq tájirıbege sáıkes keletin retteý tetikteriniń qalyptasýyn qamtamasyz etýi kerek. Radıo sıgnaldarynyń deńgeıin retteý jónindegi halyqaralyq erejelerge nazar aýdaryp, elde osyndaı tártipterdi tıimdi engizý qajet. Durys aqparatty halyqqa jetkizýdegi basty másele - senim. Úkimet uıaly baılanys, azamattardyń densaýlyǵynyń qaýipsizdigin qamtamasyz etý úshin radıosıgnaldar deńgeıine normalardy belgileıtin bolsa, onda turǵyndar mobıldi ındýstrııa ókilderine qaraǵanda memleketke kóbirek senim artatyn bolady. Úkimet ýnıversıtet professorlarynyń jáne halyq arasynda senimge ıe basqa da ǵylymı mamandardyń ókilderin tarta alady», - dep pikir bildirdi GSMA departamentiniń ǵylymı-zertteý jáne turaqty damý jónindegi aǵa dırektory Djek Raýlı.

Telekommýnıkatsııa komıtetiniń basshysy Erjan Meıramov radıofobtarǵa baılanysty mıllıon turǵyny bar qalalar boıynsha stantsııalardy alyp tastaý kórsetkishi 20 paıyzǵa deıin jetetinin atap ótti.

Foto: Vıktor Fedıýnın/Kazinform

«DDU jelisi boıynsha zertteýler bar. Densaýlyq saqtaý mınıstrligimen birlesip, bazalyq stantsııanyń ruqsat etilgen sıgnaldarynyń normatıvterin ózgertý maqsatynda ulttyq zertteý bastaımyz. Osy máselelerge jaýapty organ retinde depýtattarmen birlesip, qol jınaý, daýys berý rásimderin jeńildetý maqsatynda turǵyn úı qatynastary týraly zańǵa túzetýler engizemiz. Óıtkeni, sheshimdi MIB emes, úı Keńesi qabyldaýy kerek. Bul másele tezirek sheshiledi dep úmittenemiz», - dedi Erjan Meıramov.