Kcell kompanııasynyń burynǵy qyzmetkerine izdeý salyndy

<p>ASTANA. KAZINFORM &ndash; Kcell uıaly baılanys kompanııasynyń burynǵy qyzmetkerine izdeý salyndy. Bul týraly Quqyqtyq statıstıka jáne arnaıy esepke alý organdarynyń <a href="https://qamqor.gov.kz/criminals" target="_blank" rel="noopener">portalynda</a> jarııalandy.</p>

Aıdos Aıtkeshovty izdeý týraly habarlandyrý portalǵa osydan 32 kún buryn jarııalanǵan.

Aıtkeshov Aıdos Ernaruly 2002 jyly 17 naýryzda týǵan. Qazaqstan Respýblıkasynyń azamaty, ony izdeý týraly habarlama 2023 jyldyń 28-shi jeltoqsanynda tirkelgen.

Atalǵan azamatty izdeýge bastamashy bolǵan Qarjy monıtorıngi agenttigi, al Astana qalasy boıynsha ekonomıkalyq tergeý departamenti izdeý júrgizedi. (tel. [phone]).

Oqıǵanyń mán-jaıyn bilý maqsatynda Kcell kompanııasyna habarlasqan edik.

«Atalǵan azamat kompanııada 2022 jyldyń 1 sáýirinen 2023 jyldyń 28 aqpan aralyǵynda jumys istedi. A. E. Aıtkeshov alaıaqtyq áreketter jasady jáne kompanııaǵa materıaldyq zalal keltirdi dep kúdikke ilinip, materıal elordanyń ekonomıkalyq tergeý departamentine jiberildi», - dep jaýap berdi uıaly baılanys operatorynyń baspasóz qyzmeti.