QBTÝ stýdenti artyq salmaqtan arylýǵa kómektesetin mobıldik qosymsha jasap shyǵardy

ASTANA. QazAqparat - Búgin Astanada Nazarbaev Ýnıversıtetinde «IT-Universe-2013/14» aqparattyq tehnologııalar salasyndaǵy joǵarǵy jáne orta mamandandyrylǵan bilim alatyn stýdentterge arnalǵan 1-shi halyqaralyq olımpıada bastaldy.

2013 jyldyń qazan aıynda bastalǵan olımpıadaǵa Ázerbaıjan, Belarýs, Qazaqstan jáne Ýkraına elderinen 1500-ge taıaý stýdent qatysty. Búgingi aqtyq synǵa iriktelgen 60 stýdenttiń jumysy tanystyrylatyn bolady. Onyń ishinde Qazaq-Brıtan tehnıkalyq ýnıversıtetiniń stýdenti Nurhan Shildebaıdyń jobasy da bar. Ol artyq salmaqtan arylýǵa kómektesetin «Alaman» atty mobıldik qosymsha jasap shyǵardy.

«Bul qosymsha qarapaıym adamdarǵa arnalǵan. Tańerteń júgirýge shyqqan ár adam osy qosymsha arqyly qansha shaqyrym júgirgenin, qansha kalorııa jumsaǵanyn eseptep otyra alady. Qazirgi tańda kóptegen adamdar artyq salmaqtan zardap shegip jatqandyqtan, sport taqyryby óte ózekti. Osy sebepten adamdarǵa artyq salmaqtan arylýǵa kómektesetin mobıldik qosymsha jasap shyǵarýdy sheshtim. Qazirgi ýaqytta ol júzege asý ústinde», - deıdi qosymsha avtory.

Onyń aıtýynsha, álemdik tájirıbede mundaı qosymshalar kóp. Degenmen ol onyń ózindik nusqasyn jasaýǵa tyrysqandyǵyn aıtýda.

«Munda eki adam álemniń eki buryshynda turyp, bir-birimen qalta telefony arqyly júgirýden jarystar ótkize alady. Qansha shaqyrym jyldamdyqpen júgirdi, márege kim birinshi jetti degen sııaqty. Eki adamnyń salmaqtary, jetistikteri qarastyrylatyn bolady. Bir-birimen baılanysyp, saıysqa túse alady. Bul áleýmettik jeli retinde bolady. Bir-birine dostyq habarlama jiberip, sodan keıin bir-birimen jarystar ótkizedi. Bul joba adamdar ózderiniń densaýlyǵyn durystaýyna kómektesedi degen oıdamyn», - dep atap ótti N. Shildebaı.

Olımpıada 9 maýsymǵa deıin jalǵasatyn bolady.