Almatyda QBTÝ ǵımaratynda shyqqan órt oqshaýlandy — TJD

<p>ASTANA. KAZINFORM &mdash; Órtti oqshaýlaý barysynda ákimshilik ǵımarattyń tóbesinen Qazaqstannyń týy tómenge túsirildi. Oǵan esh zaqym kelmegen, dep habarlaıdy qalalyq TJD.</p>

— Órt oqshaýlandy. Sóndirý jumystary tórt jaýyngerlik ýchaskede júrgizildi. Protsess ǵımarat qurylysynyń erekshelikterimen, joǵary órt júktemesimen jáne qatty tútinmen qıyndady, — delingen Almaty qalasy TJD habarlamasynda.

Vedomstvo atap ótkendeı, órtti oqshaýlaý kezinde ákimshilik ǵımarattyń tóbesinen Qazaqstannyń týy zaqymdalmaı tómenge túsirildi.

Almaty ákimdigi QBTÝ ǵımaratyndaǵy órtti joıý úshin TJ qyzmetterine qajetti kómekti kórsetedi.

— Órt oryn alǵan jerde Almaty qalasy ákiminiń tıisti máselege jetekshilik etetin orynbasary Beıbit Shahanov, sondaı-aq qurylymdyq bólimshelerdiń basshylary bar. Almaly aýdanynyń ákimdigi órt sóndirýshilerge ystyq tamaq pen sýsyn uıymdastyrdy, — delingen qalalyq ákimdik taratqan aqparatta.

Aıta keteıik, osyǵan deıin Almatydaǵy QBTÝ ǵımaraty órtenip jatqanyn habarladyq.

Keıinnen órtke baılanysty oqıǵa ornynda jedel shtab qurylǵany belgili boldy.