Qazylar alqasy prokýrorlardyń sot protsesindegi memlekettik aıyptaý sóziniń sheshendik mádenıeti men sapasyn baǵalady (FOTO)

ASTANA. QazAqparat - Bas prokýratýrada memlekettik tildi jetik meńgergen qyzmetkerler arasynda «Til - dostyq kópiri» respýblıkalyq baıqaýy ótti.

Baıqaýdyń maqsaty - memleketimizdiń til saıasatyn qoldaý, prokýratýra organdarynda memlekettik tildiń mártebesi men mańyzyn keńinen nasıhattaý, qyzmetkerlerdiń is júrgizýde jáne kúndelikti ómirde qazaq tilin belsendi qoldanýlary úshin qajetti jaǵdaı jasaý.

Baıqaýǵa Astana qalasy prokýratýrasynyń, Bas áskerı prokýratýra men Bas kólik prokýratýrasynyń jáne oblystyq prokýratýralardyń, Quqyqtyq statıstıka jáne arnaıy esepke alý komıtetiniń ókilderinen quralǵan 18 komanda qatysyp, saıysty báıgege tústi.

Ár komanda memlekettik tildi bilý, ony kásibı qyzmette qoldaný daǵdylarynyń joǵary deńgeıin kórsete bildi. Olar túrli qyzmettik jaǵdaılarda, qajetti qujattar daıyndaýda óz oılaryn saýattty baıandaý arqyly jarysqa tústi. Sonymen qatar qazylar alqasy prokýrorlardyń sot protsesindegi memlekettik aıyptaý sóziniń sheshendik mádenıeti men sapasyn baǵalady.

Sonymen qatar, baıqaýǵa qatysýshylar Qazaq handyǵynyń 550 jyldyǵyna baılanysty sahnalandyrylǵan kórinis kórsetý barysynda Qazaqstan tarıhy týraly baıandaı otyryp, sheshendik sheberlikterin shyńdaı otyryp, baqtaryn synady.

Baıqaý qorytyndysy boıynsha jeńimpazdar baǵaly syılyqtarmen, al jeke ónerimen saıysqa túskender túrli nomınatsııalar boıynsha alǵys hattarmen marapattaldy, dep habarlaıdy Bas prokýratýranyń baspasóz qyzmeti.