Qazyǵurttyq kásipker eki otbasyna baspana syılady
23:51, 24 Jeltoqsan 2019
QAZYǴURT. QazAqparat - Túrkistan oblysy Qazyǵurt aýdanynda jergilikti kásipker týǵan jerge taǵzym dep jańa jyl qarsańynda eki otbasyna baspana syılady. Bul jóninde Túrkistan oblysynyń óńirlik kommýnıkatsııalar qyzmetine silteme jasap QazAqparat habarlaıdy.
Kópten ańsaǵan armany oryndalyp, baspanaly bolǵandar ishinde kópbalaly otbasy men memlekettik qyzmetker bar. Jańa jyl merekesi qarsańynda qýanysh ıelerin aýdan ákimi Tólegen Telǵaraev arnaıy quttyqtady. Qonystoı ıelerine shańyraq shattyǵyn tilep, úı jıhazdaryn syıǵa tartty.
Jańa turǵyn úı «Qazyǵurt» shaǵyn aýdanynan boı kótergen. Tórt bólmeli baspana sý, tabıǵı gazben qamtamasyz etilgen. Óz aldyna 15 sottyq jeri bar. Aıta keterligi, aýdannyń jomart jandarynyń biri Syrym Ertaev úıdi óz qarjysyna salyp, turǵyndardyń úıli-jaıly bolýyna sebepker bolyp otyr.