Qazyǵurt aýdanynyń eleýli azamattary marapattaldy
Bul aýdannyń da derbes eldiń aıaqtan nyq turýyna qosqan úlesi zor. Ár salada aıqyn ózgeris, aýqymdy tirlik bar. Aýdan bıýdjeti 1991 jylmen salystyrǵanda 115 esege ósken. Jalpy óńirlik ónim bıyl 74,2 mlrd. teńgege jetti. Ónerkásip salasynda da alǵa ilgerileýshilik bar. Azattyq alǵan alǵashqy jyldarmen salystyrǵanda óndiris kólemi 45,8 esege artqan. El Táýelsizdiginiń 25 jyldyǵyna arnalǵan saltanatty jıynda aýdan basshysy Tólegen Telǵaraev buqarany táýelsizdik toıymen quttyqtady. Shırek ǵasyrda qol jetkizgen jetistikterdiń súıektilerine toqtaldy. Aıtalyq, 1991 jyly aımaqqa nebári 29 mln. teńgeniń ınvestıtsııasy tartylǵan. Bıyl bul baǵyttaǵy is - ilgeri. 13,963 mln. teńgege jetken.
Táýelsizdik jyldary etken eńbek eleýsiz qalmady. Aýdannyń áleýmettik-ekonomıkalyq damýyna súbeli úles qosqandarǵa «Qazyǵurt aýdanynyń qurmetti azamaty» ataǵy berildi. Qurylys, aýyl sharýashylyǵy salasyna dem berip, aýyl azamattaryn jumyspen qamtyǵan Begasyl Tólendıev - merekede mereıi ústem bolǵandardyń biri. Kásipker aýdan bıýdjetine 150 myńnan astam qarjy quıyp otyr. Jıynda sondaı-aq, eńbek ozattary da marapattaldy. Olar Táýelsizdiktiń 25 jyldyq merekelik tósbelgisin taqty. Qýanysh ıeleriniń sapynda «Qazaqstan-Shymkent» telearnasynda 20 jyldan beri tabysty eńbek etip júrgen Saparbek Qalbotaev ta bar. Shara sońynda «25 jyldyqqa - 25 ıgi is» aıasynda jaryq kórgen «Eńbegi elengen jandar» atty merekelik kitaptyń da tusaýy kesildi. Onda aýdan áleýetiniń áldenýine súbeli úles qosqandar týraly maǵlumat keltirilgen.