Qazyǵurt aýdanynyń 12 myńnan astam turǵyny tabıǵı gazben qamtylady
«Qaqpaq» avtomatty gaz bólý stantsııasynyń qurylys jumystary 2019 jyly bastalǵan. Gaz qubyrlary Qyzylqııa aýyldyq okrýgine qarasty Qyzylseńgir, Tuǵyrtas eldi mekenderi men Qaqpaq aýyldyq okrýgine qarasty Zańǵar, Qaqpaq, Syrlysaı aýyldaryn, sonymen qatar, Saryaǵash aýdanynyń Baǵys eldi mekenine deıin tartylǵan.
2000-nan astam otbasy meken etken alty eldi mekende halyq sany 12 myńnan asady. Qazyǵurt aýdany 73% gazben qamtylǵan. Eki gaz nysanynyń qurylysy júrgizilýde.
Túrkistan oblysynyń ákimi Ómirzaq Shókeev jumys saparymen Qazyǵurt aýdanynda bolyp, eldi mekenderdi tabıǵı gazben qamtamsyz etý jumystarynyń barysymen tanysyp, turǵyndarmen kezdesti.
Sapar barysynda oblys basshysy
Qaqpaq aýyldyq okrýgindegi Syrlysaı eldi mekeninde ornalasqan orta mekteptiń jaǵdaıymen tanysty. Aýdanda bilim sapasyn kóterý, jańa jumys oryndaryn ashý maqsatynda Syrlysaı eldi mekeninen 200 oryndyq mektep ǵımaratyn salý josparlanýda.
Ómirzaq Shókeev Syrlysaı aýylynda ornalasqan et óńdeý tsehynda boldy. Germanııalyq qurylǵymen jabdyqtalǵan óndiris orny táýligine 5 tonna et ónimderin óndiredi. Mundaǵy iri qara maldy bordaqylaý alańy 1200 bas malǵa eseptelgen. Tsehte shujyqtyń 12 túri shyǵarylady. Aldaǵy ýaqytta óndiris ornyn Túrkistan qalasynan ashý josparlanýda.
Sonymen qatar, Qazyǵurt aýdanyna jumys sapary barysynda oblys ákimi ındýstrıaldy aımaqta ornalasqan maısyzdandyrylǵan qurǵaq sút, sary maı jáne aýyz sý óndirisinde bolyp, ondaǵy jumys barysymen tanysty. Oblys ákimi aýdan basshysyna naqty tapsyrmalar berip, birqatar mindetter júktedi.