Qazyǵurt aýdanynda jańadan salynǵan bes nysan ashyldy
20:40, 15 Jeltoqsan 2021
TÚRKІSTAN. QazAqparat - Túrkistan oblysy, Qazyǵurt aýdanynda Qazaqstan Respýblıkasy Táýelsizdiginiń 30 jyldyǵy aıasynda jańadan salynǵan bes nysan ashyldy. Saraphana aýyl okrýgi, Maılyoshaq aýyly men Altyntóbe aýyl okrýgi, Aqqum eldi mekenine gaz berilip, turǵyndar qýanyshqa bólendi, dep habarlaıdy QazAqparat tilshisi.
Sonymen birge Qyzylqııa aýyl okrýginde mal soıý jáne etti tereńdetip óńdeý kásiporny ashyldy. Quny 820 mln teńgeni quraıtyn joba arqyly 12 adam jumyspen qamtylǵan. Al, Jańabazar aýyl okrýgi Úshbastaý eldi mekeninde 200 oryndyq mektebi ashylyp, oqýshylar men ustazdar qaýymyn qýantty.
Sondaı-aq mereke qarsańynda S.Raqymov okrýgi men Syntas eldi mekenindegi áleýmettik az qamtylǵan 2 otbasyna «Qamqorlyq» baǵdarlamasy aıasynda baspana berildi. Eki úıdi salýǵa aýyl turǵyndary men demeýshiler úles qosqan bolatyn.