Qazyǵurt aýdanynda 3 kópir paıdalanýǵa berildi

QAZYǴURT. QazAqparat – Túrkistan oblysynda «Qazaqstan Respýblıkasynyń Táýelsizdiginiń 30 jyldyǵyna – 30 nysan» is-sharasy jalǵasyp jatyr, dep habarlaıdy QazAqparat tilshisi.

Іs-sharalar aıasynda Sharbulaq, Qularyq, Tesiktóbe eldi mekenderinde jańa kópirler paıdalanýǵa berildi.

Nysandardyń ashylý rásimine zııaly qaýym ókilderi men aqsaqaldar qatysyp aýyl turǵyndaryn aıtýly merekemen quttyqtady.

Buǵan deıin bul aýyldarda sapaly kópir bolmaǵan. Jergilikti turǵyndar arasynda «temir kópir» dep atalyp ketken, bir ǵana kólik sııatyn kópirler bar edi.

Onyń ózi eskirip, qaýipsizdik talaptaryna saı bolmaı shyqqan.

Osyny eskergen jergilikti ákimdik eldiń tilegin oryndap, jańa kópir tartý etti.

Oblystyq máslıhat depýtattary da ıgi iske qoldaý bildirgen.