Qazybek bıdiń jolymen júrip ótetin halyqaralyq avtokerýen ońtústik óńirge jetti

ShYMKENT. QazAqparat - Qazybek bıdiń 350 jyldyǵy respýblıkalyq deńgeıde keńinen atalyp ótkeni belgili. Dúbirli toı Ońtústik Qazaqstan oblysynda  jalǵasyn tapty. «Qaz daýysty Qazybek bı: Babalarǵa taǵzym» halyqaralyq  avtokerýeni kúngeıdegi kóne qalalardy aralady, dep habarlaıdy «QazAqparat» HAA tilshisi.   

Elbasy N.Á. Nazarbaevtyń «Bolashaqqa baǵdar: rýhanı jańǵyrý» maqalasyn iske asyrý aıasynda Saryarqa tósinen kelgen avtokerýeniń ońtústikke at basyn burýy da beker emes. Sebebi, Qazybek babamyz ulttyq panteonǵa aınalǵan Qoja Ahmet ıAsaýı kesenesinde jerlengeni belgili. Al ol kesenege barmas buryn,  onyń ustazy Arystan babqa zııarat etý buljymas shartqa aınalǵan. Osy joldy ustanǵan mártebeli meımandar, aldymen at basyn Otyrar aýdanyna burdy. Aýdan ákimi Erlan Aıtahanov bastaǵan top qonaqtardy qarsy alyp, Arystan bab kesenesine alyp bardy. Kerýenniń quramyndaǵy Qaraǵandy oblysynyń bir top el aǵalary men zııaly qaýym ókilderi babanyń basynda quran baǵyshtap, zııarat etti.

Odan keıin avtokerýen kıeli Túrkistan shaharyna jol tartty. Olardy qala basshylyǵy men jurtshylyǵy barsha sán-saltanatymen qarsy aldy. Mártebeli  qonaqtar Q.A. ıAsaýı kesenesinde bolyp, osynda jerlengen qazaqtyń tarıhı tulǵalarymen tanysyp shyqty. Kesene aldyndaǵy alańda ótken shara aıasynda shahar basshysy Álipbek Óserbaev: «Sonaý Arqa jerinen Er túriktiń besigi atanǵan kıeli Túrkistan topyraǵyna babalarymyzdyń rýhyna taǵzym etip kelip jatqan qadamdaryńyzǵa gúl bitsin. Mine, bul shara  da Elbasynyń «Rýhanı jańǵyrý» baǵdarlamasyn júzege asyryp, tarıhymyzdy túgendeýdiń bir kórinisi», - dep atap ótti. 

Budan keıin delegatsııa músheleri men QR Parlamenti Májilisiniń depýtaty, bokstan Olımpıada chempıony Serik Sápıev sóz alyp, búgingi babalar rýhyna taǵzym sharasynyń mańyzdylyǵyna toqtaldy. Olar halqymyzdyń jarqyn bolashaǵy jolynda tarıhta erekshe qoltańba qaldyrǵan babalar rýhyn qasterleý týraly óz oılaryn ortaǵa saldy. Qaraǵandylyq qonaqtar oblys jastarynyń dóńgelek ústel májilisine de qatysyp, keshke «Uly dala úni» atty kontserttik baǵdarlamany tamashalady.

Aıta keteıik, mereıtoılyq baǵdarlama aıasynda  oblysqa kósh túzegen bul avtokerýen elimizdiń búkil qasıetti oryndaryn aralap kele jatyr. Qyzylorda oblysyndaǵy Qorqyt ata kesheninde bolǵan kerýen endi kórshi ózbek eliniń Tashkent qalasynda jáne Naýaı oblysynda bolyp, Tóle jáne Áıteke bılerdiń árýaǵyna taǵzym etpek.

Aıta keteıik, 7 avtokólikpen shyqqan 28 adamnan turatyn avtokerýen músheleri men Qaraǵandy oblysynyń resmı delegatsııasynyń sapynda, Qazaqstan Respýblıkasynyń eńbek sińirgen qaıratkeri, «Parasat» ordeniniń ıegeri Rymbala Omarbekova,  Qazaqstan Respýblıkasy Parlament Májilisiniń depýtaty Serik Sápıev, QR Din isteri jáne azamattyq qoǵam mınıstrliginiń jastar saıasaty departamentiniń dırektory Ǵabıdolla Ospanqulov, Qaraǵandy oblysynyń jastar saıasaty máseleleri jónindegi basqarma basshysy Mıras Quttybaı bar.