QazUÝ jáne BUU Órkenıetter alıansi (UNAOC) yntymaqtastyq týraly memorandýmǵa qol qoıdy
Asa joǵary dárejeli BUU ókili alǵash ret qazaqstandyq joǵary oqý ornyna resmı saparmen kelip otyr. Іs-sharaǵa QazUÝ basshylyǵy, oqytýshylar men stýdentter, dıplomatııalyq mıssııa, qoǵam jáne buqaralyq aqparat quraldarynyń ókilderi qatysty.
QazUÝ rektory akademık Ǵalym Mutanov kezdesýdi asha otyryp, mártebeli meımandy ýnıversıtet qyzmeti jáne jetistikterimen, BUU-nyń turaqty damý boıynsha «Akademııalyq yqpal» baǵdarlamasynyń Jahandyq Haby retindegi jumystarymen keńinen tanystyrdy.
Kezdesýde Nasır Abdýlazız ál-Naser BUU Órkenıetter alıansiniń jumysy, qyzmetiniń negizgi baǵyttary men akademııalyq birlestiktiń Alıans baǵdarlamalaryna qatysýy týraly aıtty. «Úzdik joǵary oqý oryndardyń biri bolyp tabylatyn osyndaı bedeldi ýnıversıtettiń oqytýshylary men stýdentteriniń aldynda sóz sóıleý - men úshin úlken mártebe. UNAOC sizderdiń ýnıversıtetterińiz tárizdi oqý oryndarynyń mádenıetter dıalogynda ómirlik mańyzdy ról atqaratynyn moıyndaıdy», - dedi BUU Órkenıetter alıansiniń basshysy.
Sondaı-aq ol óz sózinde bilim berý Alıans jumysynyń basty basymdyqtarynyń biri ekendigin atap ótti. Jastarǵa úlken kóńil bólinýde, jobalarǵa kóptegen ýnıversıtetter qosylýda jáne olar uıymnyń mádenıetaralyq dıalog, beıbitshilik pen órkenıetti saqtaý jónindegi bastamalaryna qoldaý kórsetýde.
Nasır Abdýlazız ál-Naser jahandyq kún tártibine qatysty suraqtarǵa tolyqqandy jaýap berdi. Ol Qazaqstannyń álemdik qoǵamdastyqtyń qoldaýyna ıe bolǵan ıadrolyq qarýdy taratpaý jáne aımaqtyq qaýipsizdikti saqtaý jónindegi beıbit bastamalaryn jáne Sırııadaǵy jaǵdaıdy retteýge qosqan memlekettiń úlesin aıryqsha atap ótti.
QazUÝ Ǵylymı keńesiniń sheshimimen bilim men ǵylymnyń damýyna qosqan aıryqsha úlesi úshin Nasır Abdýlazız ál-Naserge ýnıversıtettiń qurmetti doktory ataǵy berildi. Ony rastaıtyn qujat pen mantııany JOO rektory Ǵalym Mutanov BUU Órkenıetter alıansi jetekshisine saltanatty túrde tabystady.