QazUÝ túrki áleminiń úzdik ýnıversıteti atandy

ALMATY. QazAqparat - Ótip bara jatqan jyldyń qorytyndysy boıynsha Túrki halyqtarynyń dúnıejúzilik kongresi ál-Farabı atyndaǵy QazUÝ-dy «Túrki áleminiń úzdik ýnıversıteti» ataǵymen marapattap, rektor akademık Ǵalym Mutanovqa halyqaralyq uıymnyń ataýly altyn medalin tabystady, dep habarlaıdy QazAqparat.

Túrki halyqtarynyń dúnıejúzilik kongresiniń prezıdenti ıAhıa Alıev quttyqtaý sózinde jetekshi qazaqstandyq ýnıversıtettiń joǵary jetistikterin, onyń zor ǵylymı-ınnovatsııalyq áleýeti men qarqyndy damýyn atap ótti. Rektor Ǵalym Mutanovtyń basshylyǵymen aýqymdy ózgerister júzege asyryldy, bul QazUÝ-dyń halyqaralyq reıtıngilerde aıtarlyqtaı tabystarǵa jol ashty. Atalmysh ozyq tájirıbeni álemniń basqa joǵary oqý oryndary igerýde, al túrki tildes elderdiń ýnıversıtetteri úshin ol úlken úlgi.

Sonymen birge, ol shyǵys fılosofy men uly oıshyly - Ál-Farabıdiń esimi berilgen QazUÝ álemde keńinen tanymal ekendigin atap ótti. Ýnıversıtet túrki elderiniń joǵary oqý oryndary arasyndaǵy yntymaqtastyqty nyǵaıtý boıynsha úlken jumys atqaryp keledi. Al ýnıversıtettiń jetekshi pozıtsııalary - memleket tarapynan adam kapıtalyn damytýǵa erekshe nazar aýdarylýda ekendiginiń jáne de qazaqstandyq joǵary bilim júıesiniń bıik deńgeıiniń belgisi.

Aıta keterligi, Túrki halyqtarynyń dúnıejúzilik kongresi - halyqaralyq qoǵamdyq birlestik. Onyń qyzmeti túrkitildes memleketter arasyndaǵy bilim, ǵylym jáne mádenıet salasynda yntymaqtastyq pen dostyq qatynastardy nyǵaıtýǵa baǵyttalǵan.