QazUÝ stýdentteri men eriktiler japyraqtan Ál-Farabıdiń portretin jasady
Elimizdiń jetekshi ýnıversıteti ál-Farabı atyndaǵy QazUÝ-dyń stadıonynda erekshe týyndy – Ál-Farabıdiń beınesi paıda boldy. Bul kezdeısoqtyq emes. Ýnıversıtet álemde adamzattyń Ekinshi ustazy atalatyn uly fılosof ári ǵalymnyń esimimen atalady. Bıyl ıÝNESKO qaramaǵynda Ál-Farabıdiń 1150 jyldyǵy halyqaralyq deńgeıde atalyp ótýde. Jastar bul kórkem týyndyny mereıtoılyq jylǵa arnady.
QazUÝ shyǵarmashylyq topqa kúrdeli kórkemdik sharany uıymdastyrýǵa qolǵabys etti. Ideıany júzege asyrý úshin tańnan keshke deıin eki kúndik daıyndyq jumystary júrgizilip, Almaty saıabaqtarynan jınalǵan birneshe júk kóligi toly japyraqtar paıdalanyldy.
QazUÝ stadıonyna bıiktigi 76 metr jáne eni 66 metrdi quraıtyn Ál-Farabıdiń orasan zor qoldan jasalǵan ǵajaıyp portreti salyndy.
Erekshe shyǵarmashylyq flesh-mobtyń qatysýshylarynyń pikirinshe, bul uly oıshyldyń álemdegi eń úlken beınesi. Al, ony jasaýǵa Ál-Farabıdiń qazaq jerinde dúnıege kelýi jáne ortaǵasyrlyq eýropalyq Renessansqa bastaý bergen ǵulamanyń baı shyǵarmashylyq murasy eriktilerge shabyt berdi.
Ál-Farabıdiń portretin japyraqtarmen beınelegen – jas sýretshi Djohar ıÝnýsov, belgili tulǵalardyń, tarıhı qaıratkerlerdiń beınelerin ártúrli materıaldardan jasaıdy. Oǵan qalanyń ár túrli ýnıversıtetterinen kelgen nıettester azamattar kómektesedi. Jaqynda ǵana talantty jas jigit úlken avtoturaqta Abaıdyń portretin sýmen «beınelep», bul týyndysyn qazaqtyń uly aqyny men aǵartýshysynyń 175 jyldyǵyna arnady.
Ushar bıikten Ál-Farabıdiń portreti tek óziniń kólemimen tańqaldyryp qana qoımaı, sonymen birge oıshyldyń kózqarasynan beıne bir ózderiniń otandasyn jadynda saqtap, onyń qaıyrymdylyq, birlik jáne ózara kómek kórsetý týraly baǵa jetpes ıdeıalaryn qoldanyp kele jatqan óz týǵan jerindegi otandastaryna degen rızashylyqty ańǵarýǵa bolady.