QazUÝ rektory BUU Bas hatshysynyń orynbasarymen kezdesti

ALMATY. QazAqparat - «Digital Almaty 2020» halyqaralyq forýmy aıasynda ál-Farabı atyndaǵy QazUÝ rektory, akademık Ǵalym Mutanov BUU Bas hatshysynyń orynbasary Fabrıtsıo Hohshıldpen jáne BUU Ǵalamdyq kommýnıkatsııa departamentiniń ókili Vlastımıl Samekpen kezdesti. Bul jóninde ýnıversıtettiń baspasóz qyzmetine silteme jasap QazAqparat habarlaıdy.

Taraptar QazUÝ-dyń BUU «Akademııalyq yqpal» baǵdarlamasynyń turaqty damý boıynsha jahandyq haby retinde Birikken Ulttar Uıymynyń 75 jyldyǵyna arnalǵan sharaǵa qatysýyn talqylady.

Fabrıtsıo Hohshıld BUU-nyń jahandyq damý maqsaty jolynda qazaqstandyq JOO-da júzege asyp jatqan halyqaralyq bastalamar men jobalardyń mazmundylyǵyna toqtalyp, Jahandyq habty basqaryp otyrǵan QazUÝ jumysyna alǵysyn bildirdi.

Sondaı-aq ol ál-Farabı mereıtoıyna arnalǵan sharalardyń mańyzyn aıtyp, adamzat órkenıetiniń turaqty damýynda ózektilikke ıe bolatyn ǵulamanyń izgilikti ıdeıalaryn nasıhattaý qajettiligin jetkizdi.