QazUÝ-dyń jeri memleketke qaǵaz júzinde ǵana qaıtaryldy – Baqytjan Bazarbek
– Men bul suraǵymdy zańsyz ıemdelgen jerdi memleket qaıtarý jónindegi Prezıdent tapsyrmasy men sot sheshimderiniń oryndalmaı jatqanyna arnaımyn. «Jer amanaty» respýblıkalyq komıssııasy osyndaı problemaǵa tap kelip otyr. Bul máseleni osymen ekinshi reti ashyq kóterýge týraly kelip otyr. Óıtkeni sheshilmeı jatyr, - dedi depýtat.
Aıtýynsha, ál-Farabı atyndaǵy QazUÝ-dyń zańsyz berilip ketken jeri sot sheshimi shyqqanyna qaramastan áli qaıtarylmaǵan. Telim aýmaǵyna salynǵan kópqabatty bıznes ortalyq áli súrilip tastalmaǵan.
- Remızovkadaǵy alma baǵynyń jaǵdaıy da osyndaı. Sot sheshimi oryndalmaı jatyr. Alma baǵy zań júzinde memleket menshigine qaıtarylǵanymen, is júzinde jeke jáne zańdy tulǵalardyń qolynda qalyp otyr. Jalǵyz Almaty boıynsha ǵana zańsyz salynǵan turǵyn úıdi súrip tastaý týraly 86 talaptyń 59-yn sot qanaǵattandyrǵan. Biraq ádilet organdary men oryndaý qyzmetteri sot sheshimderin sanaly túrde oryndamaı sozyp, qoldan kedergiler týyndap otyr, - degen májilismen Bas prokýrordan Ádilet mınıstrligi men Ónerkásip jáne qurylys mınıstrliginiń sot sheshimderin qaltqysyz oryndap, súrip tastaý týraly sheshim shyǵarylǵan qurylystardy ýaqytynda buzýyna yqpal etýdi surady.
- Bizge kóp jerdi qaıtaryp jatqandaryńyzben general Novıkov sııaqty iri jer ıelenýshilerdiń zańsyz jerin qaıtara almaı otyrsyzdar degenge saıatyn syn kóp aıtylady. Jýyqta ǵana Almaty qalasynyń aýdanaralyq soty Qarasaı aýdany ákiminiń qaýlysynyń kúshin joıýy týraly qalalyq prokýrordyń talabyn qanaǵattandyrý týraly sheshim qabyldady. Árıne, sot sheshiminen keıin jer aqyry memleket menshigine qaıtarylady. Biraq biz jer qaıtarylǵannan keıingi jaǵdaıdy oılaýymyz kerek, - dedi ol.
Depýtat general Novıkovtan qaıtarylǵan jer basqa yqpaldy adamdardyń menshigine ótip kete me dep alańdaıtyn kórinedi.
- General Novıkovtyń menshiginde bolǵan jer qaıtarylǵannan keıin túgel Alataý memlekettik ulttyq tabıǵı parkiniń quramyna tabıǵı qorǵalatyn mekeme statýsymen enýi kerek. Taǵy bir 3-5 nemese 7 jyldan keıin atalǵan telimder qaıtadan jergilikti olıgarhtarǵa, qurylys kompanııalaryna ótip ketpeýi kerek. Óıtkeni bul telimder biregeı aýmaqta jatyr. Odan keıin alma ósirýshilerdiń quqyǵy saqtalý kerek. Olar áleýmettik jelide bul sharanyń bárin prokýratýranyń reıderlik áreketi retinde sıpattap jatyr. Eshkim baý-baqsha egýshiler men alma ósirýshilerdiń jerin tárkilep jatqan joq. Telimderdiń qanshalyqty zańdy berilgenin ǵana tekserip, general Novıkovtyń jerin ǵana alyp jatyrmyz. Ol jer memleketke qaıtarylǵannan keıin baý-baqsha egýshiler men alma ósirýshilerdiń quqyǵy qorǵalýy kerek. Bul máseleni «Jer amanaty» respýblıkalyq komıssııasynyń aıasynda erekshe baqylaýǵa alamyz dep úmittenemin, - dedi depýtat.