QazUÝ-dyń jas ǵalymy GPS ornatylǵan aqyldy baldaq qurastyrdy

<p>ALMATY. KAZINFORM &mdash; Ál-Farabı atyndaǵy Qazaq ulttyq ýnıversıtetiniń jas ǵalymy qarttarǵa arnalǵan aqyldy jáne kópfýnktsıonaldy baldaq qurastyryp shyǵardy.</p>

Ýnıversıtettiń 1-kýrs stýdenti Erzat Myrzahan oılap tapqan qural egde jastaǵy adamdardyń baspaldaqqa kóterilýin jeńildetedi. ıAǵnı qart adamdar eki buranda arqyly baspaldaq tutqasyn qysyp, joǵary qabatqa shyǵa alady.

Foto: QazUÝ-dyń Baspasóz qyzmeti

«Quraldyń basty ereksheligi — munda GPS ornatylǵan. ıAǵnı balalary men aǵaıyn-týystary qart anasynyń nemese ákesiniń qaıda júrgenin telefondaǵy qosymsha arqyly bile alady. Eger de qart adam kóshede qulap qalǵan bolsa, balalarynyń uıaly telefonyna habarlama keledi. Sondaı-aq atalǵan baldaqqa arnaıy lazerlik sham qoıylǵan. Bul aldaǵy bógetterdi, kedergilerdi anyqtap, qart adamǵa dybystyq belgi beredi», — deıdi joba jetekshisi Erzat Myrzahan.

Foto: QazUÝ-dyń Baspasóz qyzmeti

Budan bólek, baldaqqa radıo jáne túngi ýaqytta júrý úshin arnaıy jaryq ornatylǵan. Baldaqtyń jalpy salmaǵy — 300-400 gramm, al uzyndyǵy 1 metrge deıin sozylady.

Jas ǵalymnyń aıtýynsha, baldaq arzan qurylǵylardan jasalǵandyqtan, onyń naryqtaǵy baǵasy da tómen.