QazUÝ-da QR Táýelsizdik kúnine oraı saltanatty shara ótti
Bul týraly QazUÝ-dyń baspasóz qyzmetinen habarlady.
Merekelik keshti QazUÝ rektory, akademık Ǵ.Mutanov ashty. «Elimizdiń táýelsizdik kúni - memleketimizdiń jańa tarıhyndaǵy ataýly kúnderiniń biri. Qazaqstan jıyrma eki jyl ishinde álemdik qaýymdastyqta óz ornyn belgilep aldy. Prezıdent aıqyndaǵan elimizdiń áleýmettik-ekonomıkalyq jáne syrtqy saıası damý modeli óz tıimdiligin kórsetti. Búgin Táýelsiz Qazaqstan álemdik jahandanýdyń ajyramas bólshegi jáne álemniń básekege qabiletti 50 el qataryna kiredi. QazUÝ-dyń da halyqaralyq deńgeıdegi jetistigi Táýelsiz elimizdiń mereıiniń ústem bolýmen baılanysty», - dep atap ótti Ǵ. Mutanov.
Іs-shara aıasynda «Parasat» qyzmetkerler kásipodaǵynyń uıymdastyrýymen ótken «Eń úzdik maman» ýnıversıtettik baıqaýynyń qorytyndysy da belgili boldy.
QazUÝ-dyń 120 jumysshylary baǵaly syılyqtarmen jáne alǵys hattarmen marapattaldy.
Merekelik keshtiń sońy arnaıy QazUÝ ujymy úshin kontserttik baǵdarlamaǵa ulasyp, «Al lıbıtým» kameralyq ansambliniń «Kózimniń qarasy», «Qyzyl bıdaı», «Aq sısa», «Regtaım», «Tsyganskıı baron», «Na prekrasnom golýbom Dýnae» ánderi oryndaldy.