QazTransOıl naýryzda 7 myń tonna munaıdy Ázerbaıjan arqyly eksportqa shyǵarady

ASTANA. QazAqparat - «QazTransOıl» aktsıonerlik qoǵamy alǵash ret Qashaǵan ken ornynan Aqtaý porty arqyly munaı jóneltedi, dep habarlaıdy QazAqparat kompanııaǵa silteme jasap.

«QazTransOıl» naýryz aıynda Aqtaý porty arqyly Qashaǵan ken ornynan Baký porty baǵytynda odan ári jetkizý úshin eksportqa 7 myń tonna munaıdy synaq retinde ótkizýdi josparlap otyr.

Qashaǵan munaıyn jóneltýshi - INPEX North Caspian Sea, Ltd.

Eske sala keteıik, búgin Syrtqy ister mınıstriniń orynbasary Roman Vasılenko bıyl Qazaqstan munaıy Ázerbaıjan arqyly tasymaldanatynyn habarlaǵan bolatyn.

Mınıstrdiń orynbasary Qazaqstan óz aýmaǵy arqyly ótetin barlyq baǵyttaǵy tranzıtke shekteý qoımaıtynyn málim etti.

«Búginde tek «Shyǵys-Batys» qana emes, «Soltústik-Ońtústik» baǵyty da bar. Osyǵan deıin orta baǵyt aıtyldy. Biraq ońtústik baǵyt ta bar. Ol Túrikmenstan men Iran arqyly ótedi. Byltyr prezıdent Iranǵa baryp, taýardy Túrkııa arqyly sol elge jiberý boıynsha kelisimder júrgizdi», - dedi Roman Vasılenko.

Onyń aıtýynsha, qazir munaı eksporty birneshe mańyzdy baǵyt boıynsha jolǵa qoıylǵan.