«QazTrans Oıl» AQ-na ákimshilik is qozǵalyp, tarıfi tómendetildi
Baspasóz qyzmetiniń málimetterine qaraǵanda, «Tabıǵı monopolııalar týraly» Qazaqstan Respýblıkasynyń Zańyna sáıkes, «QazTransOıl» AQ-y tabıǵı monopolııa sýbektisi retinde jyl saıyn esepti kezeńnen keıingi jyldyń 1 mamyrynan keshiktirmeı, QR UEM Tabıǵı monopolııalardy retteý komıtetine bekitilgen tarıftik smetanyń oryndalýy týraly esep berýge mindetti.
Osylaısha, «QazTransOıl» AQ-nyń 2020 jyldyń Qazaqstan Respýblıkasynyń ishki naryǵyna magıstraldyq qubyr arqyly munaı aıdaý qyzmetine tarıftik smetanyń oryndalýy týraly esepti taldaý qorytyndysy boıynsha, shyǵyndary ýákiletti organ bekitken mólsherlerden bes paıyzdan astam oryndalmaýy anyqtaldy jáne Qazaqstan Respýblıkasy Ulttyq bankiniń qaıta qarjylandyrý mólsherlemesin (9,75%) eskere otyryp, negizsiz kiristiń jalpy somasy 370 mln. teńgeden astam somany qurady.
Nátıjesinde, Tńbı,ı monopolııalardy retteý komıteti qosymsha qun salyǵyn esepke almaǵanda 1000 km-ge 1 tonna úshin 4 355,57-den 4328,04 teńgege deıin tómendete otyryp, QR ishki naryǵyna magıstraldyq qubyr arqyly munaı aıdaý qyzmetterine ótemdik tarıf engizdi, onda tómendeý 0,63% - dy qurady.
Sondaı-aq, óz kezeginde, «Tabıǵı monopolııalar týraly» Qazaqstan Respýblıkasynyń Zańyna sáıkes tabıǵı monopolııa sýbektisi bekitilgen tarıftik smetany oryndaýǵa mindetti.
Osyǵan baılanysty, tarıftik smetanyń talaptaryn oryndamaǵany úshin, «QazTransOıl» AQ-na qatysty Ákimshilik quqyq buzýshylyq týraly Kodeksiniń 164-babynyń 4-bóligi boıynsha ákimshilik is qozǵaldy. Bul rette, atalǵan quqyq buzýshylyq úshin aıyppul somasy 4,6 mln. teńgeni quraıdy.
Alaıda, «QazTransOıl» AQ-y tarıftik vedomstvonyń sheshimimen kelispeı, ákimshilik quqyq buzýshylyq týraly isti qaraý týraly ótinishti Nur-Sultan qalasynyń Ákimshilik quqyq buzýshylyq jónindegi mamandandyrylǵan aýdanaralyq sotyna jiberdi.