Kaztraffic-2022: Jol-qurylys materıaldary men jańa tehnologııalar bazasy jasalady

ASTANA. QazAqparat – Elordada jol-qurylys materıaldary men jańa tehnologııalar bazasy paıda bolady. Bul týraly elimizdegi jol ǵylymı-zertteý ınstıtýtynyń prezıdenti Arman Álibaeva málim etti, dep habarlaıdy QazAqparat tilshisi.

«Bizdiń ınstıtýt jol-qurylys materıaldary men jańa tehnologııalar bazasyn jasap jatyr. Buryn-sońdy mundaı baza bolǵan emes. Búginde jol salasy boıynsha jańa tehnologııalardy qamtıtyn júıe ázirledik. Jańa bazada sońǵy tehnologııalardyń kómegimen aprobatsııa nátıjeleri zerttelip, ǵylymı-zerthanalyq synaqtar ótedi. Zerthanalyq synaqtardyń nátıjesi bazada ashyq jarııalanady», - dedi Arman Álibaeva Astanada ótip jatqan «Kaztraffic-2022» halyqaralyq kórmesinde.

Onyń aıtýynsha, bazany aldaǵy jyldan bastap iske qosý josparlanǵan.

Sondaı-aq, ınstıtýt basshysy zerthanalyq synaqtan ótken 100-ge jýyq jańa tehnologııanyń baryn atap ótti.

ıAǵnı jol-qurylys materıaldary bazasynda atalǵan tehnologııalar qoldanylady.

Eske salsaq, kúni keshe avtomobıl joldary komıtetiniń tóraǵasy Tólegen Abdýllın jol salasyna qatysty normatıvtik-tehnıkalyq qujattardyń biryńǵaı júıesiniń jasalyp jatqanyn málimdegen edi.

Komıtet tóraǵasy habarlaǵandaı, jańa normatıvke sáıkes jol ár aımaqtyń klımatyn eskere otyryp salynbaq.

Aıta keteıik, Astanada Kaztraffic-2022 halyqaralyq kórmesi ótip jatyr.