«Qaztest» júıesin Mádenıet jáne sport mınıstrliginiń quzyryna berý qajet
«Qazirgi tańda, «Qaztest» júıesi arqyly qazaq tilin meńgerý deńgeıin baǵalaý QR Bilim jáne ǵylym mınıstrliginiń quzyrynda. Alaıda, Memlekettik baǵdarlamada «Qaztest» júıesi arqyly qol jetkizilýi kózdelgen birneshe nátıjeli kórsetkishter men is-sharalardy júzege asyrýǵa jáne «Qaztest» júıesi oqý-ádistemelik quraldaryn basyp shyǵarýǵa Mádenıet jáne sport mınıstrligi jaýapty», - dedi ol Tilderdi qoldaný men damytýdyń 2011-2019 jyldarǵa arnalǵan memlekettik baǵdarlamasyn júzege asyrý barysy jaıynda baıandaı kele.
Sonymen qatar, vıtse-mınıstrdiń aıtýynsha, «Til týraly» Zańǵa sáıkes azamattardyń memlekettik tildi meńgerýin úılestirý Mádenıet jáne sport mınıstrliginiń quzyrynda tur.
Osy rette, kelesi jyly memlekettik baǵdarlamanyń aıaqtalýyna baılanysty memlekettik tildi meńgergenderdiń úlesin arttyrý, kórsetkishterin naqtylaý jáne qorytyndylaý maqsatynda QR Bilim jáne ǵylym mınıstrligi Ulttyq testileý ortalyǵyna qarasty QAZTEST júıesin damytý jónindegi basqarmany Mádenıet jáne sport mınıstrliginiń Til saıasaty komıteti Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵyna berý qajet degen usynys týyndap otyr», - dedi Aqtoty Raıymqulova.