QAZTEST sertıfıkattary elektrondyq formatqa kóshirildi
10:01, 26 Qańtar 2023
ASTANA. QazAqparat - 2023 jyldan bastap QAZTEST sertıfıkattary Ulttyq testileý ortalyǵynyń certificate.testcenter.kz saıty arqyly elektrondyq formatta beriledi, dep habarlaıdy QazAqparat.
Ǵylym jáne joǵary bilim mınıstrliginiń málimetinshe, QAZTEST elektrondyq sertıfıkatynda alýshynyń derekteri, jınaǵan baly, jaramdylyq merzimi jáne QR-kody kórsetiledi, ony skanerleý arqyly qujattyń túpnusqalyǵyn tekserýge bolady.
«Buǵan deıin QAZTEST júıesi boıynsha memlekettik tildi meńgergenin rastaıtyn sertıfıkat qaǵaz túrinde beriletin. Endi doktorantýraǵa túsýshiler, «Bolashaq» baǵdarlamasynyń úmitkerleri jáne basqalary QAZTEST sertıfıkattaryn elektrondyq formatta alatyn bolady. Alaıda, jaramdylyq merzimi ótpegen qaǵaz nusqadaǵy sertıfıkattardyń jaramdylyǵy saqtalady», - dep atap ótti UTO dırektory Rýslan Emelbaev.