Qaztemirtranstyń 4 qyzmetkeri para alǵany úshin sottaldy

<p>2022 jyly jedel-tergeý izdestirý is-sharalary barysynda &laquo;Qaztemirtrans&raquo; AQ fılıalynyń laýazymdy adamdary men júk jóneltýshilerdiń qatysýymen sybaılas jemqorlyq shemasy anyqtaldy. Bul týraly bas prokýratýradan jazdy.</p>

Kúdiktiler 2019-2022 jyldar aralyǵynda júkterdi tasymaldaý úshin qajetti vagondar tapshylyǵy jaǵdaıynda júk jóneltýshiler men olardyń ókilderinen júk tasymaldaýǵa arnalǵan vagondardy kedergisiz bergeni úshin júıeli túrde para alǵan.

«Bıylǵy 18 naýryzda qylmystyq is sotta qaraldy. Úkimmen „Qaztemirtrans“ AQ-nyń 4 qyzmetkeri sybaılas jemqorlyq qylmysyn jasaǵandary boıynsha, atap aıtqanda para alǵany úshin kináli dep tanyldy. Úsheýi ártúrli merzimge bas bostandyǵynan aıyrylyp, olardyń bireýi qaıtys bolýyna baılanysty jazadan bosatyldy.

16 para berýshi júk- jóneltýshi-kásipkerler de sotpen kináli dep tanyldy, 15 kásipker shynaıy ókinýine baılanysty qylmystyq jaýapkershilikten bosatyldy, óıtkeni olar para berý túrinde sybaılas jemqorlyq qylmys jasaǵandary týraly óz kinálaryn tolyq moıyndady, qylmystyń ashylýyna yqpal etti jáne jasaǵan isterine ókindi. Kináni moıyndamaǵan bir kásipkerge qatysty 49 mln teńge kóleminde aıyppul túrindegi jaza taǵaıyndaldy», — delingen baqylaýshy organnyń málimetinde.

Aıta ketý kerek, sybaılas jemqorlyq qylmysty alǵash ret jasaǵan adamdy tek qana sot shynaıy ókinýine baılanysty qylmystyq jaýaptylyqtan bosatýy múmkin (Qylmystyq kodekstiń 65-baby).

Sot úkimi zańdy kúshine engen joq.