«Qazteleradıo» AQ basqarma tóraǵasy aýysty

ASTANA. QazAqparat - «Zerde» Ulttyq ınfokommýnıkatsııalyq holdıngi» AQ Basqarmasynyń sheshimimen Haırýshev Asqar Evgenevıch «Qazteleradıo» AQ basqarma tóraǵasy laýazymynda mindetin atqarýǵa kiristi. Bul týraly aktsıonerlik qoǵamnyń baspasóz qyzmetinen habarlady.

Asqar Haırýshevtiń telekommýnıkatsııa salasynda, kompanııa saıasatyn basqarý jáne anyqtaý, tıimdi marketıngtik, kommertsııalyq qyzmetter, sondaı-aq bıznes-protsessterdi qurýda kópjyldyq eńbek tájirıbesi bar. 1987 jyly Almaty energetıkalyq ınstıtýtyn radıoınjener mamandyǵy boıynsha támamdaǵan. Eńbek ótilin 1987 jyly Almatydaǵy arnaıy Konstrýktorlyq bıýronyń bólim ınjeneri qyzmetimen bastady. «TNS-Plus» AQ, «Almatytelekom» QTO, «Regýl-Telekom+» JShS, «Mobaıl Telekom - Servıs», «ZTE Qazaqstan», «Gilat Satellite Networks Ltds» sekildi kompanııalarda basqarýshy laýazymdardy ıelenip kelgen.

«Retteýshi organ (QR Investıtsııalar jáne damý mınıstrligi Baılanys, aqparattandyrý jáne aqparat komıteti) kompanııa aldyna óte mańyzdy tapsyrmalar qoıyp otyr, olardy tıimdi júzege asyrý - RTS qurylysy, tsıfrlyq efırlik telehabar taralymyna kóshý, joǵary aıqyndyqtaǵy arnalardy iske qosý, «OTAU TV» jerseriktik telehabar taratý jelisin qazaqstandyq KazSat-3 jerserigine kóshirý sekildi memlekettik mańyzdaǵy máselelerdi sheshýge septigin tıgizbek», - dep Asqar Haırýshev aldaǵy josparlarymen bólisti.

Sonymen qatar, kompanııa ókilderi qyzmettiń klıentke baǵdarlanýyna, kommertsııalaýǵa jáne sapany arttyrýǵa basa nazar aýdarylatynyn atap ótti.