«Qazsýshardyń» bas dırektory ornynan alynyp, basshylyq laýazymdaǵy 5 qyzmetkeri jazalandy

<p>ASTANA. KAZINFORM — Joǵary aýdıtorlyq palata tekserisiniń qorytyndysy boıynsha «Qazsýshardyń» basshylyq laýazymyndaǵy 5 qyzmetkeri jaýapkershilikke tartyldy. </p>

Sý resýrstary jáne ırrıgatsııa mınıstrligi men Joǵary aýdıtorlyq palata júrgizgen tekseristiń qorytyndysy boıynsha zańbuzýshylyqqa jol bergen «Qazsýshardyń» basshylyq laýazymyndaǵy 5 qyzmetkeri tártiptik jaýapkershilikke tartyldy.

Tekseris sońyna qaraı «Qazsýshar» bas dırektorynyń mindetin atqarýshy laýazymynan bosatyldy.

Sondaı-aq, jobalardy iske asyrý bólimi men gıdrotehnıkalyq qurylystardy paıdalaný bóliminiń basshylary, Jetisý oblysy boıynsha fılıal dırektory, Jetisý oblysy boıynsha fılıaldyń bas ınjeneri jáne Aqtóbe fılıalynyń dırektory jaýapkershilikke tartyldy.

«Qazsýshardyń» basshylyq laýazymdaǵy qyzmetkerlerin jaýapkershilikke tartý Sý resýrstary jáne ırrıgatsııa mınıstrligi Sý sharýashylyǵy komıtetiniń quzyretine kiredi. Jaýapkershilikke tartylǵan qyzmetkerler týraly aqparat Joǵary aýdıtorlyq palataǵa jiberildi», — dedi Sý resýrstary jáne ırrıgatsııa vıtse-mınıstri Erbolat Ibraıhanov.