«Qazseldenqorǵaýdyń» burynǵy basshysy Kárim Kókirekbaev sot zalynda qamaýǵa alyndy
Sybaılas jemqorlyqqa qarsy is-qımyl agenttiginiń málimetinshe, 25 shildede Almaty oblystyq soty tótenshe jaǵdaı mınıstrligi «Qazseldenqorǵaý» MM basshysy Kárim Kókrekbaevqa qatysty aqtaý úkiminiń kúshin joıdy.
«Qylmystyq is birinshi satydaǵy sottyń jańa qaraýyna joldandy. Sonymen qatar, Kárim Kókirekbaev sot zalynda qamaýǵa alyndy», – delingen habarlamada.
«Qazseldenqorǵaý» memlekettik mekemesiniń burynǵy basshysy Kárim Kókirekbaev pen onyń orynbasary ózderiniń qyzmettik ókilettikterine kiretin áreketteri men áreketsizdigi úshin aldyn ala sóz baılasý arqyly adamdar tobymen asa iri mólsherde para alǵany úshin, sondaı-aq jalpy qamqorlyǵy úshin aıyptaldy.
Buǵan deıin 7 maýsymda Almaty oblysynyń qylmystyq ister jónindegi mamandandyrylǵan aýdanaralyq sotynda alqabıler «Qazseldenqorǵaý» mekemesiniń laýazymdy tulǵalaryna qatysty qylmystyq isti qaraǵan bolatyn. Keıin alqabıler alqasynyń sheshimi boıynsha (kópshilik daýyspen) Kókirekbaev ózine taǵylǵan aıyp boıynsha aqtaldy. Al onyń burynǵy orynbasary 11 jylǵa bas bostandyǵynan aıyryldy.