Kazsat spýtnıkteri elimizdiń aqparattyq qaýipsizdigin qalaı qamtamasyz etýde
Negizgi júkteme búginde elimizdegi barlyq telehabarlar jumys isteıtin «Kazsat-3» geostatsıonarlyq telekommýnıkatsııalyq jerserigine tústi. Bul týraly QazAqparat agenttigine bergen qysqasha suhbatynda «Respýblıkalyq ǵaryshtyq baılanys ortalyǵy» AQ (RǴBO) tóraǵasynyń orynbasary Shoqan Svogýzov aıtty.
– Shoqan Ǵalıhanuly, Qazaqstannyń barlyq abonentterin «Kazsat-3» spýtnıgine kóshirý qashan boldy?
Búgin RǴBO ujymy úshin aıtýly kún – osydan týra 8 jyl buryn, 2014 jyldyń 28 sáýirinde orbıtada sátti jumys istep jatqan Baıqońyr ǵarysh aılaǵynan qazaqstandyq Kazsat-3 jerserigi ushyryldy. Ǵarysh kemesiniń jeke orbıtalyq jıilik resýrsqa ıe jáne 58,5 ° shyǵys boılyq núktesinde ornalasqan. «Kazsat-3» paıdalanýǵa berilgennen keıin eki jyl ótken soń tsıfrlyq jáne spýtnıktik televıdenıeniń ulttyq operatory «Qazteleradıo» AQ qazaqstandyqtarǵa sapaly jańa teledıdar usyndy. Bul jańa qazaqstandyq «Kazsat-3» spýtnıgine ótýdiń arqasynda múmkin boldy. Buǵan deıin «OTAU TV» spýtnıktik televıdenıesi sheteldik jerseriginen taratylǵan edi, qazaqstandyq jerserikti tańdaý patrıottyq sezimmen ǵana emes, ekonomıkalyq oryndylyǵymen, jáne eń bastysy – elimizdiń aqparattyq qaýipsizdigin qamtamasyz etýmen baılanysty bolǵan.
– Mysal keltire alasyz ba?
Qańtar oqıǵasy kezinde RǴBO basshylyǵy, Almaty jáne Aqmola oblystaryndaǵy ǵaryshtyq baılanys ortalyqtaryndaǵy mamandarymyz operatıvtik rejıminde jumys istedi. Búkil eldi spýtnıktik baılanyspen úzdiksiz qamtamasyz etý sııaqty jaýapty mindetimizge qosa, biz memlekettik organdarmen ózara árekettese otyryp, elimizdiń aqparattyq qaýipsizdigin qorǵaý úshin kez kelgen ýaqytta qajetti den qoıý sharalaryn qabyldaýǵa daıynbyz. Másele baılanys jáne telehabar taratý obektileri jaıynda bolǵan. Osyndaı kúrdeli sátte ózimizde spýtnıktik tobymyzdyń bolýy ǵana otandastarymyzǵa eldegi jaǵdaı týraly senimdi aqparat jetkizýge, lańkesterdiń televızııalyq efırdi basyp alýyna jol bermeýge múmkindik berdi. Elimizdiń aqparattyq qaýipsizdigin ulttyq spýtnıktik baılanys júıesi ǵana qamtamasyz etedi. Onyń sapaly qyzmet kórsetýi jáne odan ári damýy Qazaqstan úshin óte mańyzdy.
–«Kazsat» ulttyq ǵarysh júıesiniń damý bolashaǵy qandaı?
Búginde Qazaqstannyń ǵaryshtyq baılanys jáne habar taratý júıesinde eki spýtnık – «Kazsat-2» jáne «Kazsat-3 bar». 2021 jyly bizdiń mamandarymyz ǵaryshtyq baılanys júıesin (ǴBJ) ázirleýshimen tyǵyz yntymaqtastyqta tehnıkalyq aýdıt júrgizdi. Sonyń nátıjesinde «Kazsat-2» spýtnıginiń boljamdy qyzmet etý merzimi 2023 jyldan 2026 jyldyń sońyna deıin uzartyldy. Al «Kazsat-3» spýtnıgine keler bolsaq, anaǵurlym qýatty, tehnıkalyq jabdyqtalǵan ǵarysh kemesi shtattyq rejımde jumys istep tur. Búginde onyń júktemesi 79 paıyzdy quraıdy. Úshinshi qazaqstandyq baılanys spýtnıginiń qyzmet túrlerin 12 baılanys operatory paıdalanýda, onyń 10 myńnan astam stantsııasy bar. «Kazsat-3» jerseriginiń qyzmet etý merzimi 2029 jyly aıaqtalady. 2023 jyldan bastap biz «Kazsat 3R» aýystyratyn jerserigin qurýǵa kirisetinimiz josparlanýda. Búgingi kúnniń syn-qaterleri bizden otandyq baılanys jáne habar taratý júıesin, halyqaralyq yntymaqtastyqty odan ári damytý boıynsha durys sheshimder qabyldaýdy talap etýde. Qazirdiń ózinde QǴBO Ortalyq Azııa elderindegi kórshilerimizge ǵaryshtyq baılanys qyzmetin usynýda.
-Suhbatyńyzǵa rahmet, Qazaqstannyń ǵaryshtyq baılanys mamandaryna jańa tabys tileımiz!