KazSat-3 taǵy bir iri baılanys operatorymen tolyqty

ASTANA. QazAqparat - Qazaqstandyq KazSat-3 baılanys jáne habar taratý spýtnıgine «Alma TV» saýda markasymen «Almatel» AQ qosyldy, dep habarlaıdy «QazAqparat» HAA tilshisi.

«Alma TV» HEVC standartynda habar taratatyn eldegi alǵashqy operator bolyp otyr. Atalǵan kompressııa júıesi arnalardyń sanyn kóbeıtýge, sapasy men jaryǵyn jaqsartýǵa jáne Ultra HD, 4K arnalardy translıatsııalaýǵa múmkindik beredi», - dep habarlady «Alma-TV» baspasóz qyzmetinen.

«Respýblıkalyq ǵaryshtyq baılanys ortalyǵy» AQ 2004 jyly 18 naýryzda Qazaqstan Respýblıkasy Úkimetiniń qaýlysyna sáıkes quryldy.

RǴBO mamandary KazSat orbıtalyq spýtnıktik tobynyń eki baılanys jáne habar taratý ǵarysh apparatyn qoldanysqa engizý jumystaryn júrgizýde.

Alma-TV KazSat-3 spýtnıginiń 16-shy baılanys operatory boldy.