«KazSat-3» spýtnıgi Qazaqstannyń mıllıardtaǵan qarjysyn únemdeıdi

ASTANA. QazAqparat - Búgin Ortalyq kommýnıkatsııalar qyzmetindegi brıfıngte QR Ulttyq ǵarysh agenttiginiń tóraǵasy Talǵat Musabaev «KazSat-3» spýtnıginiń bolashaqtaǵy nátıjelerimen bólisti.

«KazSat-3» ǵaryshtyq apparatyn paıdalaný ımport qyzmetin jylyna 4 mlrd. astam teńgege (spýtnıktiń syıymdylyǵy tolyq paıdalanylǵan jaǵdaıda) tómendetýge jáne memlekettik bıýdjetke salyq tólemderin arttyrýǵa múmkindik beredi», - dedi agenttik basshysy.

Onyń sózine qaraǵanda, «KazSat-2» qazaqstandyq operatorlarynyń «KazSat-3» spýtnıkterine kóshýine qolaıly jaǵdaılar jasaý jáne eki spýtnıktiń ózara rezervtik saqtalýy qamtamasyz etedi. «KazSat-3» spýtnıgin iske qosý Qazaqstan Respýblıkasyn Halyqaralyq Elektr baılanysy odaǵynda 58,5º orbıtaldyq shepti bizdiń tarapqa bekitýge múmkindik beredi»,- dedi T.Musabaev.

Esterińizge sala keteıik, 2014 jylǵy 28 sáýirde Astana ýaqyty boıynsha 10 saǵ. 25 mınýtta «Baıqońyr» ǵarysh aılaǵynyń № 81 alańynan «KazSat-3» úshinshi ulttyq geostatsıonarlyq habar taratý jáne baılanys spýtnıgi sátti ushyryldy. «KazSat-3» spýtnıkte Qazaqstan aýmaǵyn baılanys qyzmetimen qamtamasyz ete alatyn Ku-dıapazondy 28 transponder ornatylǵan. Ǵarysh apparatynyń jumys isteý merzimi - 15 jyl.