«KazSat-3» qyrkúıekten bastap paıdalanylady - T. Musabaev

ASTANA. QazAqparat - «KazSat-3» spýtnıgi aldaǵy qyrkúıekten bastap paıdalanylady. Bul týraly búgin Ortalyq kommýnıkatsııalar qyzmetindegi brıfıngte QR Ulttyq ǵarysh agenttiginiń tóraǵasy Talǵat Musabaev málim etti.

«Shamamen bıylǵy mamyr aıynyń ortasynda spýtnık orbıtadaǵy tıisti núktesine jetýi tıis, ıaǵnı shyǵys uzaqtyǵy 58,5 gradýs núktesine. Sodan soń ushý-konstrýktorlyq synaýlar, tirkeý synaýlar ótkizilip, 2014 jylǵy qyrkúıekte ǵaryshtyq apparatty eksplýatatsııaǵa qabyldaý josparlanýda»,-dedi agenttik basshysy.

Osy oraıda T. Musabaev ǵarysh salasynda atqarylǵan jumystar arqasynda Qazaqstan baılanys jáne aqparat taratý sekildi strategııalyq mańyzdy baǵytta avtonomdy jáne syrtqy áserden táýelsiz bolǵanyn atap ótti.

Esterińizge sala keteıik, 2014 jylǵy 28 sáýirde Astana ýaqyty boıynsha 10 saǵ. 25 mın. «Baıqońyr» ǵarysh aılaǵynyń № 81 alańynan «KazSat-3» úshinshi ulttyq geostatsıonarlyq habar taratý jáne baılanys spýtnıgi sátti ushyryldy. «KazSat-3» spýtnıginde Qazaqstan aýmaǵyn baılanys qyzmetimen qamtamasyz ete alatyn Ku-dıapazondy 28 transponder ornatylǵan. Ǵarysh apparatynyń jumys isteý merzimi - 15 jyl.