«KazSat-3» ǵarysh apparaty shtattyq paıdalanýǵa 2014 jyly kóshedi

ASTANA. 14 qańtar. QazAqparat - Qazaqstanda Memlekettik údemeli ındýstrııalyq-ınnovatsııalyq damý baǵdarlamasynyń aıasynda ǵarysh salasy damyp keledi. Ulttyq ǵarysh agenttigi (Qazǵarysh) tolyqqandy ǵarysh salasyn qurý úshin naqty ınvestıtsııalyq jobalardy júzege asyrýda, dep habarlady pm.kz saıty.

2012 jyldyń 6 qańtarynda Memleket basshysy Nursultan Nazarbaev ǵarysh júıelerin qurý, paıdalanýǵa berý jáne ǵarysh qyzmeti salasyndaǵy qatynastardy memlekettik retteýdi júzege asyrý úshin «Qazaqstan Respýblıkasynyń keıbir zańnamalyq aktilerine ǵarysh qyzmeti máseleleri boıynsha ózgerister men tolyqtyrýlar engizý týraly» Zańǵa qol qoıdy.

2011 jyldyń 16 shildesinde «Baıqońyr» ǵarysh aılaǵynan «KazSat-2» baılanys jáne taratý  ulttyq geostatsıonar serigi oıdaǵydaı ushyryldy, serik jazǵy-qurastyrymdyq jáne synaq syndarynan ótip, 2011 jyldyń 25 qarashasynda ǵarysh apparaty shtattyq paıdalanýǵa ótken bolatyn.

«Biz osy jumysty jáne ǵarysh baǵdarlamalaryn júzege asyrýdy jalǵastyra beremiz. Bizdiń serigimiz básekege qabiletti bolýy kerek», - degen budan burynyraq Úkimet basshysy Kárim Másimov.

Sonymen qatar, «KazSat-3» ǵarysh apparatynyń syzbalyq jobasy ázirlenip jatyr, serik shtattyq paıdalanýǵa 2014 jyly kóshedi dep josparlanýda.

Aıta ketsek, 2012 jyldyń birinshi jartyjyldyǵynda ǵarysh apparattary men baılanys monıtorıng júıesin basqarýdyń rezervtik jer ústi kesheni paıdalanýǵa beriledi. Dál qazir ýaqytta qurylǵy montajdalý ústinde. 2013-2014 jyldary Jerdi qashyqtyqtan baıqap kóretin ǵarysh júıesin, ǵarysh apparattaryn qurastyrý-synaý keshenin iske qosý kózdelgen. Sondaı-aq, reseılik taraptyń qatysýymen «Baıqońyr» ǵarysh aılaǵynda «Báıterek» ǵarysh raketalyq keshenniń qurylysy josparlanýda.

2011 jyldyń jeltoqsan aıynda Qazaqstannyń joǵary dáldiktegi seriktik navıgatsııasy júıesiniń jer ústi ınfraqurylymyn qurý jónindegi jobalar aıasynda dıfferentsıal stansalardy  uıaly jáne aımaqtyq qabyldaý synaǵy ótkizildi. Aldaǵy ýaqytta Aqmola men Almaty oblystarynda 10 dıfferentsıal stansalardy paıdalanýǵa berý josparlanǵan. Sonymen qatar, Qazaqstan «Dnepr» zymyrantasymaldaǵyshyn ǵaryshtyq paıdalaný jobasyna qatysýda.

Qazaqstanda jańa ǵarysh jobalaryn júzege asyrý ártúrli qyzmetterdegi suranysty, atap aıtqanda, baılanys qyzmetteri, Jerdi qashyqtyqtan baqylaý jáne   asa dál   jerserik navıgatsııasyn  qurý qyzmetterindegi suranysty qanaǵattandyryp, ǵarysh salasyn ekonomıkanyń ǵylymdy qajet etetin jáne joǵary tehnologııalyq salasy retinde básekege qabiletti etý maqsatyn kózdeıdi.