«KazSat-2» spýtnıgin aýystyrýǵa qatysty ınvestıtsııalyq usynys daıyndaldy

ASTANA. QazAqparat - «KazSat-2» spýtnıgin almastyratyn jańa jer serigine qatysty jumystar bastalyp ketti. Bul týraly «Respýblıkalyq ǵaryshtyq baılanys ortalyǵy» AQ vıtse-prezıdenti Baýyrjan Qudabaev aıtty, dep habarlaıdy QazAqparat.

«Árbir ǵaryshtyq apparattyń belsendi qyzmet etý merzimi bolady. Aldaǵy ýaqytta «KazSat-2» spýtnıgin jańasyna almastyrý qajettiligi týyndaıdy. Osy oraıda jańa aparatqa qatysty ınvestıtsııalyq usynys daıyndaldy jáne ony QR Qorǵanys jáne aeroǵarysh ónerkásibi mınıstrligine tapsyrdyq», - dedi Baýyrjan Qudabaev «Aqkól» ǵaryshtyq baılanys ortalyǵynda Senat depýtattarynyń qatysýymen ótken keńeste.

Onyń sózine qaraǵanda, jaqyn arada jer serikterin juptap ushyrýǵa qatysty máseleni sheshý kerek bolady. Sebebi apparattardy ǵaryshqa juptap jiberý tek reseılik júıeler úshin usynylady eken. Juptap ushyrýdyń arqasynda atalǵan jobany júzege asyrý barysynda elimizde qarjyny únemdeýge múmkindik bolady. ıAǵnı, shamamen 25 mln dollarǵa deıin qarjy únemdeledi.

«Taǵy bir másele jerdegi keshenderdi paıdalanýǵa qatysty. «KazSat-2», «KazSat-3» jobalary boıynsha ıntegrator retinde reseılik kompanııalar qatysqan. Sáıkesinshe, jerdegi júıeler olardyń talaptaryna oraı jobalanǵan, endi bizge bul máseleni sheshý kerek. Eger de jobany basqa sheteldik kompanııamen júzege asyrsa, onda bizde bar jabdyqtardy shetel tehnıkasyna qaıta yńǵaılaý qajet bolady. Bul óz kezeginde qosymsha qarjyny talap etedi», - dedi ol.

Budan buryn habarlanǵandaı, «KazSat-2» jer seriginiń jumys ýaqyty 2023 jylǵa deıin negizdelgen, ıaǵnı ol 12,5 jyl qyzmet etýi tıis (2011 jyly ǵaryshqa shyǵaryldy). Sondyqtan jańa ǵarysh («KazSat-2R») apparatyn daıyndaý jobasyn iske asyrý sharalary bastaldy.

QR Qorǵanys jáne aeroǵarysh ónerkásibi mınıstrliginiń málimetinshe, «KazSat-2R» spýtnıgin qurastyrý sharalary 2020 jyly bastalady.