«KazSat-2» ǵarysh apparaty aýystyrylady
«QR Qorǵanys jáne aeroǵarysh ónerkásibi mınıstrliginiń «Tsıfrlyq Qazaqstan» memlekettik baǵdarlamasy aıasynda iske asyrylatyn perspektıvalyq jobalarynyń biri - ol «KazSat-2» ǵarysh apparatyn josparly aýystyrýǵa arnalǵan «KazSat-2R» ǵaryshtyq baılanys júıesin qurý jáne paıdalanýǵa berý» jobasy bolyp tabylady. Qazaqstan Respýblıkasy úshin menshikti baılanys jáne habar taratý ǵaryshtyq júıesin qurýdyń jáne damytýdyń is júzindegi mańyzdy ári strategııalyq máni bar. «KazSat» serııaly ǵarysh apparattarynyń resýrstary bazasyndaǵy spýtnıktik baılanys jelileri eldi qazirgi zamanǵy jáne sapaly baılanys qyzmetterimen 100 paıyz qamtýmen qatar, Qazaqstan Respýblıkasynyń ulttyq qaýipsizdigin qamtamasyz etý boıynsha mańyzdy mindetti oryndap keledi», - delingen atalǵan vedomstvonyń málimetinde.
Belgili bolǵandaı, «KazSat-2R» telekommýnıkatsııalyq spýtnıgin ony ǴA-ny paıdalanýǵa bergen sátten bastap 86,5° sh.b pozıtsııasyndaǵy GSO-da ornalastyra otyryp, kem degende 15 jyl belsendi jumys isteý merzimimen iske asyrý josparlanyp otyr.
«KazSat-2R» ǴA resýrstary «Tsıfrlyq Qazaqstan» memlekettik baǵdarlamasyn iske asyrý aýqymynda spýtnıktik baılanystyń bekitilgen arnalaryn uıymdastyrý úshin qoldanylatyn bolady. Bul óz kezeginde ınternetke tegis keńjolaqty qoljetimdilikti, sonyń ishinde shalǵaıdaǵy aýyldyq eldi mekenderiniń qoljetimdiligin qamtamasyz etýge jol ashady. Sondaı-aq jaqynda ornalasqan memleketterge, ıaǵnı Tájikstannyń, Ózbekstannyń, Qyrǵyzstannyń tutynýshylaryna (memlekettik organdar, kúshtik qurylymdar, korporatıvtik jáne jeke sektorlar) telekommýnıkatsııalyq qyzmetterdi berý maqsaty da kózdelip otyr», - dep atap ótilen mınıstrik habarlamasynda.
2016 jyly «RǴBO» AQ jobany iske asyrýǵa kiristi. Kompanııanyń mamandary ınvestıtsııalyq usynys ázirledi, ony QR Ulttyq ekonomıka mınıstrligi maquldady. Qazirgi kezde «RǴBO» AQ «KazSat-2» ǵarysh apparatyn josparly aýystyrý úshin «KazSat-2R» ǵaryshtyq baılanys júıesin qurý jáne paıdalanýǵa berý boıynsha qarjylyq-ekonomıkalyq negizdeme jáne tehnıkalyq tapsyrma ázirleýde.
Qazirgi ýaqytta «KazSat-2» jáne «KazSat-3» ulttyq ǵarysh apparattary sátti jumys istep tur, olardyń resýrstaryn 15 spýtnıktik operator paıdalanýda, Qazaqstannyń búkil aýmaǵy boıynsha spýtnıktik baılanystyń 11 000 astam jerústi stantsııalary jumys isteýde.
Budan buryn habarlanǵandaı, «KazSat-2R» spýtnıgin qurastyrý sharalary 2020 jyly bastalady.
«KazSat-2» jer seriginiń jumys ýaqyty 2023 jylǵa deıin negizdelgen, ıaǵnı ol 12,5 jyl qyzmet etýi tıis (2011 jyly ǵaryshqa shyǵaryldy).