Qazirgi zamannyń ózekti problemalaryn sheshýde BUU aıryqsha ról atqarady – QR Prezıdenti

<p><span style="font-family: sans-serif; font-size: 18px;">Memleket basshysy Birikken Ulttar Uıymynyń Bas hatshysy Antonıý Gýterrıshpen kezdesti, dep habarlaıdy <a href="https://kaz.inform.kz/" target="_blank" rel="noopener">QazAqparat</a> <a href="https://t.me/aqorda_resmi" target="_blank" rel="noopener">Aqordanyń</a> baspasóz qyzmetine silteme jasap.</span></p>

Taraptar Qazaqstannyń BUU-men jan-jaqty yntymaqtastyǵynyń basym baǵyttaryn, sondaı-aq qazirgi zamannyń ózekti syn-qaterlerin talqylady.

BUU Bas hatshysy Qazaqstan Prezıdentine iltıpat bildire otyryp, ekijaqty seriktestiktiń qarqyndy damyp kele jatqanyn atap ótti.

– Qazaqstan men BUU beıbitshilik pen qaýipsizdikti nyǵaıtý, Ornyqty damý maqsattaryna qol jetkizý jáne adam quqyǵynyń saqtalýyn qamtamasyz etý máseleleri boıynsha yntymaqtastyqty jalǵastyra beredi. Qazaqstan – biz úshin mýltılateralızmniń tiregi, jahandyq deńgeıdegi beıbitshilik qorǵany retinde basymdyqqa ıe seriktes el, – dedi Antonıý Gýterrısh.

Qasym-Jomart Toqaev Antonıý Gýterrıshtiń BUU Bas hatshysy retindegi qyzmetine joǵary baǵa berip, onyń beıbitshilikti, turaqtylyq pen qaýipsizdikti qamtamasyz etýge baǵyttalǵan is-áreketterin odan ári qoldaýǵa daıyn ekenin rastady.

Qazaqstan Prezıdenti qazirgi zamannyń eń ózekti problemalaryn sheshýde BUU aıryqsha ról atqaratynyn jáne onyń eshqandaı balamasy joq ekenin aıtty. Sondaı-aq Memleket basshysy BUU Bas hatshysy Antonıý Gýterrıshke Uıym qyzmetin odan ári jetildirý jónindegi oı-pikirin jetkizdi.