Qazirgi bessaıystan Azııa chempıonatynda Qazaqstan úsh júlde jeńip aldy

<p>ASTANA. KAZINFORM &mdash; Qazaqstan quramasy qazirgi bessaıystan Ońtústik Koreıa astanasy Seýlde ótip jatqan Azııa chempıonatynda 1 kúmis, 2 qola medal jeńip aldy.</p>

QR Sportty damytý dırektsııasy málim etkendeı, atalǵan dodada Qazaqstan erler quramasy 4450 upaı jınap, ekinshi orynǵa turaqtady. El namysyn Temirlan Ábdiraıymov, Temirhan Sábdenbek, Pavel Cheredov, Nıkıta Jıvıtsa qorǵady. Bul synda altyn medaldi Ońtústik Koreıa komandasy qanjyǵasyna baılady. Úzdik úshtikti Qytaı túıindedi.

Sonymen qatar erler arasyndaǵy básekede Temirlan Ábdiraıymov jekeleı synda 1500 upaımen qolaǵa qol jetkizse, elimizdiń áıelder quramasyna (3704 upaı) úshinshi oryn buıyrdy.

Aıta keteıik, bul jarysqa eresekter arasynda 63 (erler - 34, áıelder - 29) úzdik sportshy qatysyp jatyr.