Qazirgi bessaıys: Georgıı Boroda-Dýdochkın alǵashqy kezeńde 175 upaı jınady

<p>PARIJ. KAZINFORM &ndash; Frantsııa astanasy Parıj qalasynda ótip jatqan Olımpıada oıyndarynda qazirgi bessaıystan básekeler ótip jatyr.&nbsp;</p>

Bul synda el namysyn qorǵap jatqan ulttyq qurama sportshysy Georgıı Boroda-Dýdochkın alǵashqy kezeńde semserlesýde 10 ret jeńiske jetip (25 ret jeńilip), 175 upaı jınady. Qazir ol 35-orynda tur. 

Endi, erteń qazaqstandyq sportshy jartylaı fınaldy A tobynda kósh basyndaǵy mysyrlyq qarsylasymen birge bastaıdy. Sondaı-aq sportshylar erteń 200 metrge erkin ádispen júzýde kim myqtyny anyqtaıdy. 

Úshinshi jarys – konkýr. Sheshýshi jarysta atletter júgirý kezinde lazerli tapanshamen nysana kózdemek. 

Aıta keteıik, qazir áıelder arasynda Elena Potapenko semserlesýden klassıfıkatsııany bastady. Sporttyń bul túrinde barlyǵy 72 sportshy (36 erkek, 36 áıel) júldege talasyp jatyr. 

Aıta keteıik, Georgıı Boroda-Dýdochkın 2023 jyly Hanchjoýda ótken HІH jazǵy Azııa oıyndarynda Parıj Olımpıadasynyń joldamasyn ıelengen edi.