Qazir biz veıp qoldanýǵa tolyq tyıym sala almaımyz - Ajar Ǵınııat

<p>Elimizde veıp tartýǵa tyıym salyna ma? Másele qalaı qaralyp jatyr? Bul saýalǵa Densaýlyq saqtaý mınıstri Ajar Ǵınııat jaýap berdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

«Elimizde veıpke tyıym salý máselesi boıynsha zań jobalaryna jańa normalar engizilip jatyr. Ol Úkimet otyrysynda qaraldy. Densaýlyq saqtaý salasy atalǵan normalardy qoldaıdy. Qazir biz veıp qoldanýǵa tolyq tyıym sala almaımyz. Másele quzyretti organdarmen qaralyp jatyr. Jaqyn arada olar óz qorytyndylaryn beredi, sol kezde tanystyramyz», - dedi Ajar Ǵınııat Májilis otyrysynda.

Májilis spıkeri Erlan Qoshanov veıp máselesin tezdetip sheshý keregin aıtty.

«Bul másele boıynsha Memleket basshysynyń tapsyrmasy bar. Depýtattar da birneshe ret kóterdi, biraq áli naqty sheshim joq. Sondyqtan, Tamara Qasymqyzy, naqty sheshim qabyldaıtyn kez keldi. Bizde birtutas ustanym bolýy kerek, óıtkeni bul bizdiń balalarymyz ben bolashaq urpaǵymyzdyń densaýlyǵyna qaýip tóndiredi. Sondyqtan bul máseleni sheshýdi jedeldetý qajet», - deıdi ol.