«Qazposhta» QHA-nyń 20 jyldyǵyna arnalǵan marka shyǵardy

ASTANA. QazAqparat - Qazaqstan halqy Assambleıasynyń 20 jyldyǵyna arnalǵan markanyń biri pochta blogynyń aınalymyna shyǵaryldy. «Estelik jáne mereıtoılyq kúnder» serııasy boıynsha shyǵarylǵan markanyń nomınaly 200 teńgeni quraıdy, dep habarlaıdy «Qazposhta» AQ baspasóz qyzmetinen.

Qazaqstan halqy Assambleıasyn qurý ıdeıasyn Nursultan Ábishuly Nazarbaev 1992 jyly Táýelsizdiktiń bir jyldyǵyna arnalǵan Qazaqstan halyqtarynyń forýmynda alǵash ret aıtqan bolatyn. 1995 jylǵy 1 naýryzda Qazaqstan Respýblıkasynyń Prezıdenti janyndaǵy konsýltatıvtik-keńesshi organ retinde mártebesin aıqyndaıtyn Qazaqstan halqy Assambleıasyn qurý týraly Jarlyq shyqty. Keıinnen Qazaqstan halqy Assambleıasy berik quqyqtyq negizge jáne qoǵamdyq-saıası mártebege ıe konstıtýtsııalyq organ bolyp ózgerdi.

Joǵaryda atalǵan marka 4 boıaýdaǵy ofsetti tásilmen jasalǵan, blok ólshemi 104h72 mm, marka ólshemi 52h36 mm, tıraj 5 myń danadan turady, dızaınyn sýretshi Sergeı Marshev ázirledi. Pochta blogy «Qazaqstan Respýblıkasy Ulttyq bankiniń banknot fabrıkasy» respýblıkalyq memlekettik kásipornynda basyp shyǵaryldy.