Qazposhta Qazaqstanda E-Packet Cainiao jańa poshta arnasyn iske qosty
ePacket Plus Qytaıdyń saýda alańdarynan Qazaqstanǵa sálemdemelerdi qadaǵalaý jáne jetkizý úshin arnaıy ázirlengen aldyńǵy qatarly logıstıkalyq servıs. Bul servıs logıstıkanyń zamanaýı standarttaryna sáıkes keledi jáne qos eldiń arasyndaǵy elektrondyq kommertsııanyń ósip kele jatqan naryǵyna baǵdarlanǵan.
Buǵan deıin barlyq sálemdemeler Qazaqstanǵa aralyq elder arqyly jetkiziletin. Endi sálemdemeler Qazaqstanǵa tikeleı jetkiziletin bolady. Bul jetkizý ýaqytyn edáýir qysqartyp, klıentterge qyzmet kórsetý sapasyn jaqsartady. Bul jetistik – jetkizý ýaqytyn azaıtýǵa jáne tutynýshylar úshin servısti jaqsartýǵa baǵyttalǵan qajyrly jumystyń jáne Cainiao-men jemisti yntymaqtastyqtyń nátıjesi.
ePacket Plus jetekshi elektrondy kommertsııa platformalaryna arnalǵan jáne paıdalanýshylarǵa qoljetimdi. Osy servıs arqyly jiberilgen sálemdemeler alýshylarǵa barynsha yńǵaıly bolýy qamtamasyz etile otyryp, Qazaqstan boıynsha poshta bólimsheleri men poshtamattarǵa jetkiziledi.
Qytaı bazarynan ePacket Plus arqyly jetkiziletin taýarlar áýe arqyly da, jer ústi kólikterimen de jetkizilýi múmkin, bul jetkizý protsesin birshama jyldamdatady jáne sálemdemelerdi naqty ýaqytta qadaǵalaý múmkindigin qamtamasyz etedi. Bolashaqta qazaqstandyq satyp alýshylar úshin qoljetimdi taýarlar assortımentin keńeıtýge jáne bıznes úshin jaǵdaıdy jaqsartýǵa múmkindik beretindeı sálemdemelerdiń eń joǵary salmaǵyn 20 kg deıin ulǵaıtý qarastyrylyp jatyr.
«Biz seriktestermen birge «Qazposhta» AQ elektrondyq kommertsııanyń transshekaralyq naryǵynyń tolyqqandy qatysýshysyna aınalǵanyn maqtan tutamyz. Óıtkeni bizdiń barlyq kúsh-jigerimiz jahandyq naryqtardyń keń múmkindikterine qol jetkizý úshin tutynýshylarymyzdy qoldaýǵa baǵyttalǵan», – dep atap ótti «Qazposhta» AQ halyqaralyq bıznes jónindegi basqarýshy dırektory Semen Pak.
«Qazaqstanda E-Packet CAINIAO poshta arnasyn iske qosý biz úshin jáne bizdiń seriktesterimiz úshin mańyzdy. Biz «Qazposhta» AQ-men yntymaqtastyǵymyz qazaqstandyq tutynýshylar men bıznes úshin múmkindikterdi barynsha jaqsartatynyna senimdimiz. Biz Qytaı men Qazaqstan arasyndaǵy elektrondyq kommertsııany odan ári damytýǵa negiz bolatyndaı logıstıkalyq qyzmetterdiń joǵary sapasyn qamtamasyz etýge jáne jetkizilimderdi jedel jetkizip berýge maqsat qoıǵanbyz», - deıdi Cainiao Group TMD aımaǵy boıynsha bas menedjeri Vang Chjeng.
Halyqaralyq logıstıkalyq kompanııanyń bas dırektory Qorǵas Sýn Sıan «Bul jelini ashý kedendik resimdeýdiń tıimdiligin arttyryp, Qytaı men Qazaqstannyń elektrondyq kommertsııa kásiporyndary úshin operatsııalyq shyǵyndardy azaıtyp, turaqty jáne yńǵaıly logıstıkalyq arnany qamtamasyz etýi múmkin», - dedi.
Aıta keteıik, buǵan deıin «Qazposhta» AQ men «China Postal Express & Logistics Co. LTD», Qytaı Halyq Respýblıkasynyń poshta operatory ePacket Plus servısi arqyly qos el arasynda taýarlardy jetkizý sharttaryn jaqsartýǵa baǵyttalǵan kelisimge qol qoıdy. Atap aıtqanda, eki eldiń poshta operatorlary jetkizý qyzmetterine tarıfterdi tómendetý týraly tarıhı kelisimge qol jetkizdi.