Qazposhta halyqaralyq kórmede álemniń úzdik poshta operatorlarynyń bestigine endi

<p>ASTANA. KAZINFORM &ndash; Qazposhta &laquo;Úzdik jetkizýshi&raquo;, &laquo;Bıznesti ártaraptandyrý&raquo; jáne &laquo;Ekologııalyq turaqtylyq&raquo; nomınatsııalary boıynsha halyqaralyq syılyqtyń úzdik bestigine kirdi. Bul týraly kompanııanyń baspasóz qyzmeti málim etti.&nbsp;</p>

Marapattar Amsterdamdaǵy Amazon, DHL, Nova Post jáne t. b. sekildi sala jetekshileri óz jetistikterin usynatyn poshta jáne sálemdeme tehnologııalary salasyndaǵy eń iri is-shara — «Parcel+Post Expo» kórmesiniń aıasynda tabystaldy. ⠀

Qazposhta óziniń úsh negizgi baǵyttaǵy ınnovatsııalyq qyzmetimen kóptiń nazaryna bólendi.

«Bıznesti ártaraptandyrý» nomınatsııasynda kompanııa kiristerdi ulǵaıtý jáne korporatıvtik bankıngti damytýdy qosa alǵanda, naryqtaǵy ózgeristerge beıimdelý jónindegi bastamalary úshin atap ótildi.

«Ekologııalyq turaqtylyq» sanatynda Qazposhta aýyldyq poshta bólimshelerinde eko-habtar qurýǵa, qyzmetkerler men klıentterge qaldyqtardy bólek suryptaý boıynsha oqytý ótkizýge sep bolǵan «Jasyl damý» jobasyn usyndy. ⠀

Qazposhtanyń «Parcel+Post Expo» kórmesine qatysýy onyń álemdik naryqtaǵy ornyn nyǵaıtady jáne Qazaqstannyń ınklıýzıvti jáne turaqty poshta bolashaǵyn qurýdaǵy básekege qabilettiligin rastaıdy.

Eske sala keteıik, buǵan deıin Qazposhtanyń shyǵyny ne sebepti óskeni týraly jazǵan bolatynbyz.