«Qazposhta» Dırektorlar keńesin Bahmýtova basqaratyn boldy
20:17, 19 Tamyz 2013
ASTANA. 19 tamyz. QazAqparat - «Samuryq-Qazyna» Ulttyq ál-aýqat qory» AQ Basqarmasy tóraǵasynyń orynbasary Elena Bahmýtova «Qazposhta» AQ Dırektorlar keńesiniń (DK) tóraıymy bolyp saılandy, dep habarlaıdy Halyqtyq IPO baǵdarlamasynyń resmı saıty QR Ulttyq banki Qarjy naryǵy men qarjy uıymdaryn baqylaý jáne qadaǵalaý komıtetine silteme jasap.
Buǵan deıin «Qazposhta» Dırektorlar keńesin Qýandyq Bıshimbaev basqarǵan bolatyn. Aǵymdaǵy jyldyń 22 mamyrynda ol «Báıterek» Ulttyq basqarýshy holdıngi basqarmasynyń tóraǵasy bolyp taǵaıyndalǵan edi.
«Qazposhta» AQ «Halyqtyq ІRO» baǵdarlamasy aıasynda aktsııalardy satyp alý úshin ashylǵan jeke tulǵalardyń iri ataýly esepshot ustaýshysy bolyp tabylady.