«Qazposhta» arqyly jiberilgen kosmetıka buıymdarynyń arasynan esirtki tabyldy - QMA

<p>ASTANA. KAZINFORM &ndash; Qarjylyq monıtorıng agenttigi asa iri kólemde esirtki kontrabandasy boıynsha sotqa deıingi tergep-tekserýdi júrgizýde, dep habarlaıdy agenttiktiń baspasóz qyzmeti.</p>

Almaty oblysy Іle aýdanyndaǵy «Kazposhta» AQ bólimine shetelden kosmetıkalyq buıymdar túrinde jasyrylǵan salmaǵy 777,4 gramm esirtki ónimi kannabıs ekstrakty (gashısh maıy) salynǵan zat kelip túskeni anyqtaldy.

Ony qabyldaýshy esirtki ónimderiniń zańsyz aınalymy úshin buryn sottalǵan azamat bolyp shyqty.

Onyń turǵylyqty jeri boıynsha tintý barysynda esirtkini shegýge arnalǵan qurylǵylar, qoldanylǵan shprıtstar, zıp-paketter jáne t.b. zattar tabyldy.

Atalǵan azamat sot sheshimimen qamaýǵa alyndy, tergeý amaldary jalǵasýda.

QPK-niń 201 babyna sáıkes ózge aqparat jarııa etýge jatpaıdy.

«QR Konstıtýtsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi»,-delingen habarlamada.